Foydali qazilmalarning genetik va sanoat turlari

Kontaktli metamorfizm–yorib o‘tadigan magma ta’siridagi cho‘kindi tog‘ jinslarini o‘zgarishlari.
Ma’dan koni – metall elementlar va ularning minerallari to‘planishidan hosil bo‘lgan foydali qazilma koni.
Metamorfik konlar – metamorfozlashgan konlardan farqli o‘larok avvalgi mavjud konlarda emas, balki tog‘ jinslarining metamorfizm jarayonlari natijasida (flyuidlar ishtirokida) hosil bo‘lgan.
Metamorfizm – murakkab fizik-kimyoviy jarayon bo‘lib, Er qa’ridagi tog‘ jinslarining chuqurlikdagi flyuidlar, temperatura va bosim ta’sirida teksturaviy, strukturaviy, mineralogik va kimyoviy o‘zgarishlarini o‘z ichiga oladi.
Metamorfik formatsiya – tektonik strukturalarga ega bo‘lgan metamorfik tog‘ jinslarining paydo bo‘lish umumiyligi qonuniyatlariga asosan ajratiladi.
Metamorfogen konlar – tog‘ jinslari metamorfizmi jarayonida yuqori bosim va temperatura sharoitida Er pustining chuqur qismida hosil bo‘lgan foydali qazilma konlari.
Metamorfozlashgan konlar – paydo bo‘lganidan keyin metamorfizm jarayoniga uchrab hosil bo‘lgan konlar.
Metasomatoz– tog‘ jinslarining eritmalar ta’sirida o‘z kimyoviy tarkibini o‘zgartirishi. Metasomatoz natijasida tog‘ jinslarining umumiy kimyoviy tarkibi o‘zgaradi; minerallar erishi bilan birga yangilari hosil bo‘ladi. Bunday metasomatoz magmatik jarayondan keyin ajralib chiqadigan eritmalar ta’sirida yuzaga keladi.
Paragenezis – hosil bo‘lish sharoiti umumiyligi bilan o‘zaro bog‘liq bo‘lgan va Er po‘stida qonuniyatli birga uchraydigan minerallar.
Relef – er sathi shakllari majmuasi bo‘lib, har bir uchastka o‘z relef shakliga ega bo‘ladi. Erda yuz beradigan endogen va ekzogen jarayonlar natijasida hosil bo‘ladi.
Fatsiya – (lot. facies – ko‘rinish, qiyofa) cho‘kindi tog‘ jinslari majmuasi, g‘osil bo‘lish sharoitlarini tavsiflovchi muayyan litologik va mineralogik xususiyatlarga ega. Fatsiyaning yirik bir xil tipli majmualari kesimda formatsiyalarga birlashadi.
Metamorfizm, magmatizm, termodinamika, ultrametamorfizm, avtometamorfizm, kontakt metamorfizm, lokal metamorfizm, metamorfik.
Formatsiya – (lot. formato – hosil bo‘lish) geologiyada hosil bo‘lish sharoitlarining umumiyligi bilan o‘zaro bog‘liq bo‘lgan tog‘ jinslarining tabiiy va qonuniyatli uyg‘unligi. Formatsiyaning tiplari bilan foydali qazilmalarning turlari bog‘liq.