Fotometrik usulda zaxarli metallarni aniqlash

Kurs ishining dolzarbligi. Fotometrik tahlilda eritmadagi moddalarning rangiga qarab, u yoki bu elementning miqdorini kuzatish yoki fotoelementlar yordamida, ya`ni yorug`lik energiyasini elektr energiyasiga aylantirish hisobiga aniqlanadi. Fotometrik metod eritmaning aniqlanadigan komponentini dastlab rangli birikmaga aylantirib, so`ngra shu ma`lum qalinlikka ega bo`lgan rangli eritma qavatining optik zichligi (nur yutilishi)ni o`lchashga asoslangan. Kimyoviy bosqich, asosan metodning analitik imkoniyatlarini, aniqlikni, sezgirlikni, tanlab ta`sir etishini va analizni bajarish uchun sarflanadigan vaqtni aniqlaydi.
Kurs ishining maqsadi. Fotometrik tahlil to`lqin uzunligi 180dan 1100nm gacha bo`lgan oraliqdagi elektromagnit nurlanishni tanlab yutishiga asoslangan. Usul juda ham oddiy, tezkor, yuqori sezgirlikni o`z ichiga oladi. Shuning uchun analitik laboratoriyalarda, amaliyotda juda keng foydalaniladi. Fotometrik tahlilda monoxramatik nurlanish ishlatilsa spektrofotometriya deyiladi. Bularda nurli parchalash uchun spektrda prizmalar, difraksion panjaralar va fotokolorimetrlardan foydalaniladi. Spektrofotometr usul fotokolorimetrik usulga nisbatan aniqroq va selektivroq hisoblanadi, lekin murakkabroq va qimmatbaho asboblarni tahlil qiladi. Fotokolorimetrik usul hamma analitik parametrlar bo`yicha spektrofometrik usuldan orqada turgani bilan lekin fotometrik asboblarning juda oddiyligi va arzonligi bilan afzaldir. Hamma fotometrik usular asosida Laber-Buger-Berning nur yutilish qonuni yotadi.
Ishning vazifasi. Mazkur ishning maqsadi va vazifasi talabalarga fotometrik tahlil, uning qo`llanilishi, o`ziga xos tomonlari,asosiy bosqichlari, selektivligi spektrofotometrik usulning metrologik xarakteristikalari, imkoniyatlarini ko`rsatishdan iborat. Fotokolorimetrik tahlil usullaridan dori vositalarining chinligini, tozaligini va miqdorini aniqlashda foydalanish mumkin. Dori vositalarining chinligini aniqlashda spektrning ko`zga ko`rinadigan va ultrabinafsha qismidagi spektrofotometrik usul qo`llanilganda ularning spektrdagi yutilish maksimumlariga asoslanadi. Agar dori moddasining kimyoviy tuzilishidagi xromafor guruhlar o`xshash bo`lsa, ularning yutilish spektrlari ham o`xshash bo`ladi.