Fotoenergetikada nanostrukturali yarimo‘tkazgich materiallar II xalqaro ilmiy anjumani

Fotoenergetikada nanostrukturali yarimo‘tkazgich materiallar

II xalqaro ilmiy anjumani 
 
19-20 noyabr 2021 yil 
212 
шаффоф ҳолатга келгач унга диионлаштирилган сув қўшилиб, колбанинг 
асосига аввалдан тозаланган тагликлар горизонтал ҳолатда жойланиб, махсус 
печда 63 ℃ доимий ҳароратда 24 соат давомида ZnO нанокристаллари 
ўстирилди. Синтездан кейин тагликлар колбадан олиниб, очиқ ҳавода 
қуритилди. Намуналарнинг морфологик хоссалари S- 4800 Hitachi Сканловчи 
Электрон Микроскоп (СЭМ) да тадқиқ қилинди. Наноструктураларнинг 
фотолюминесценцияси азот лазери (λ = 337,1 нм, τ~6 нс, P~15 кВт) ёрдамида 
уйғотилиб, МДР-23 монохроматори ва импулсли электр сигналларини 
строблаб интегралловчи BCI-280 бокскаринтеграторидан фойдаланиб қайд 
қилинди. Тадқиқотларда нанокристаллар ўстирилган таглик махсус электр 
печига ўрнатилган ҳолда, намуналар айни ҳароратларда қизиб турган 
пайтида унга уйғотувчи нур туширилиб фотолюминесценция спектрлари 
ўлчанди. Тадқиқотларда ҳароратнинг аниқлиги ±5 
о
С га тенг. Кварц шиша 
пластинкалар юзасида кимёвий чўктириш усулида ўстирилган ZnO 
нанокристалларининг СЭМ да олинган тасвирлари 1а- расмда келтирилган. 
Тасвирдан кўринадики, нанокристаллар олтибурчакли кесик пирамида 
шаклида бўлиб, ён ёқлари ва асослари силлиқ ва текис кўринишда, 
кристалларнинг ўлчамлари 100-600 нм атрофида. 
Янги ўстирилган (синтездан кейин бирор таъсир кўрсатилмаган) ZnO 
нанокристалларининг ФЛ спектрида ~383 нм да юқори интенсивликка эга 
тор нурланиш полосаси ва спектрнинг кўзга кўринувчи соҳасида 560- 570 нм 
тўлқин узунлигида интенсивлиги нисбатан паст, кенг нурланиш полосалари 
кузатилди (2- б) расм, қора эгри чизиқ). Нурланиш полосалари максимумлари 
нисбати 6,6 га тенг. Бу нисбат синтез қилинган ZnO нанокристалларининг 
кристал структураси мукаммал эканлигидан далолат беради [1]. 
Адабиётларга кўра, ZnO наноструктуралари ФЛ спектрининг УБ соҳаси 
(~380 нм) даги нурланиш полосаси ZnO нинг эркин экситонлари 
рекомбинацияси ёки зоналар яқинидаги оптик ўтишлар ҳисобига пайдо 
бўлади [1,2]. Наноструктураларни синтез қилишда юқори тозаликдаги 
реактивлардан фойдаланилганлигини этиборга олиб, ФЛ спектридаги 560- 
570 нм тўлқин узунлигидаги кенг нурланиш полосасини ZnO нинг хусусий 
дефектлари ёки уларнинг комплекслари билан боғлиқ дейиш мумкин. 
Аксарият ҳолларда, бу нурланиш полосаси кислородга бой муҳитда ёки паст 
ҳароратда сувли эритмаларда синтез қилинган ZnO наноструктураларининг 
ФЛ спектрларида кузатилади ва кристал панжара тугунлари орасида 
жойлашган ортиқча кислород атомлари ( ) ёки уларнинг комплексларига 
тааллуқли деган назария илгари сурилади [1,2]. 

---