Фотоальбом

Namangan davlat universiteti Maktabgacha va
boshlang`ich ta`lim fakulteti Boshlang`ich ta`lim
va sport-tarbiyaviy ishi yo`nalishi 3-bosqich
BTS-AU-19 guruh talabasi Abdulboriyeva Dilafruz
Alisher qizining “O`qish” fanidan “Oyijonlar, onalar”
mavzusida tayyorlagan 1 soatlik dars ishlanmasi
3-sinf
O`qish
Mavzu: Oyijonlar, onalar
Maqsadlar
Ta`limiy: o`quvchilar she`r mazmuni bilan tanishtirish, to`g`ri va ongli
o`qishga o`rgatish, onalar bayrami haqida ma`lumot berish;
Tarbiyaviy: ota-onaga hurmat, ularga mehribon, yaxshi farzand
bo`lish hislarini tarbiyalash;
Rivojlantiruvchi: o`quvchilarning mustaqil va ijodiy ishlash qobiliyatlarini
oshirish, lug`at ustida ishlash ko`nikmalarini rivojlantirish;
Kompetensiyalar
Fk1: she`rni ongli, ifodali o`qiy olish, mavzuga mos maqol topa olish;
Fk2: matndagi so`z va gaplarning ma`nolarini tushuna olish;
Tk4: odob-axloq qoidalariga rioya qilish;
Dars turi: yangi tushuncha va bilimlarni shakllantiruvchi
Dars metodlari: suhbat, tushuntirish, ta`limiy o`yin
Dars jihozi: darslik va videolavhalar, mavzuga oid rasmlar,
tarqatma materiallar
Darsning borishi
I.Tashkiliy qism
-Assalomu alaykum
-Vaalaykum assalom
-Bolajonlar, omonmisiz
Bugun darsga tayyormisiz?
-Hammamiz sog`-omonmiz
Bugun darsga tayyormiz.
-Har narsadan xabarchi
Sinfda kim navbatchi?
-Navbatchi menman, ustoz
Har so`zingiz dilga mos.
So`rang javob beraman,
Hurmatim bildiraman.
Darsda bugun hamma bor,
Sinf, doska, bo`r tayyor.
-Bolalar, hozir darsimiz qaysi?
-O`qish darsi
A`lo o`qish burchimiz
Sarf etamiz kuchimiz.
-Maqsadimiz nima?
-Maqsadimiz kelajakda
Yaxshi inson bo`lmoqdir.
Yarab el-yurt koriga,
Unga hissa qo`shmoqdir.
-Shiorimiz-chi?
-O`rgan-o`rgat shiori,
Kelajak poydevori.
Sog` tanda sog`lom aql,
Biz bunga doim kafil.
-Bolalar, o`lkamizda hozir qaysi fasl?
-Bahor faslida tabiatda qanday o`zgarishlar bo`ladi?
-Bahor faslida nishonlanadigan tarixiy sana va bayramlarni
ham bilasizmi?
O`zbekiston Respublikasi Prezidenti SH.Mirziyoyev Qozog`iston Respublikasi
Prezidenti Qasim-Jomart Toqayev bilan telefon orqali muloqot qildi. Ular ikki tomonlama
munosabatlar haqida suhbat qurdilar. Suhbat har doimgidek ochiq va do`stona ruhda bo`ldi.
II. Uy vazifasini so`rash va o`tilgan mavzuni mustahkamlash.
(Baholash stikerlar orqali olib boriladi)
-Biz o`tgan darsimizda qaysi mavzular bilan
tanishgan edik?
-Biz o`tgan darsda “ Siz bunga qodirsiz” hikoyasi va
“Bahor yaqin” she`ri bilan tanishgan edik.
-To`ppa-to`gri, qani endi shu mavzularni bir esga
solib olaylik-chi. Buning uchun hozir sizlarga savollar
tarqataman, shu savollarga javob berishingiz kerak
bo`ladi. Prezidentimiz “Yashil makon” umummilliy
loyihasini e`lon qilgan edilar, bu loyihaga ko`ra
yurtimizning ko`plab joylarida daraxt ko`chatlari
ekilmoqda, biz ham savollarga to`g`ri javob berish
orqali sinfimizning “YASHIL BOG`”ini
yaratamiz.
3-”D” sinf “YASHIL BOG`I”
Savollar
“ Siz bunga qodirsiz” hikoyasining muallifi kim?
Hikoyada kim haqida so`z boradi?
Saida xola qanday ishlarni amalga oshirdi?
Xolaning eng yaqin ko`makchilari kim ekan?
Siz qanday hayrli ishlarni amalga oshirdingiz?
Sizningcha, Saida xola yaxshi ishlar qildimi?
“Bahor yaqin” she`rining muallifini ayting.
“Bahor yaqin” she`ri nima haqida ekan?
Siz bahorni sevasizmi? Nima uchun?
Demak, biz Saida xola amalga oshirgan hayrli ishlaridan ibrat olishimiz kerak a!
Bolalar, ayting-chi, siz uyingiz atrofi, mahallangiz obodligi uchun biror ish qilyapsizmi?
Qani, kim nima ish qildi?
Xo`sh, bolalar, siz yurtimiz obodligi uchun qanday ishlarga qodirsiz?
-Biz mahallamiz, xonadonimizni gulzorga aylantirishga qodirmiz!!!
Barakalla, aziz o`quvchilar! Yurtimiz obodligi uchun o`z hissangizni
qo`shishda davom eting. Ona tabiatimizni doimo asrab-avaylang.
“Bahor yaqin” she`rini hammamiz yod oldikmi?
Vaqtimiz chegaralanganligi bois men she`rni hammadan emas,
xohlagan o`quvchidan 4 qatordan so`rayman.
Barakalla, o`tgan mavzularni juda yaxshi o`zlashtiribsiz
Dam olish daqiqasi
“Yomg`ir yog`aloq” qo`shig`iga raqs
III. Yangi mavzu bayoni
Ona huzuriga shoshilib intiq,
Poylarin tavof etmoqlik kerak.
Onaday mehribon, onaday mushfiq,
Toki ko`ksimizda urarkan yurak.
Munis onalarning aksi, tal`ati
Ko`rinar farzandning bo`yi-bastida.
Ona bu dunyoning noyob xilqati,
Jannat-onalarning oyog`i ostida!
Savollar
Dunyoda eng mo`tabar, eng mehribon inson kim?
Kasal bo`lib qolganingizda sizga eng ko`p kim g`amxo`rlik qiladi?
Eng yaxshi ko`rgan insoningiz kim?
To`g`ri aytasiz, bu inson ONAMIZ!
Kuni kecha 8-mart “Xalqaro xotin-qizlar bayrami”ni
nishonladik .
Bugungi mavzuyimiz “Oyijonlar, onalar” deb nomlanadi
Muallif: Kavsar Turdiyeva
Oyijonlar, onalar
Kavsar turdiyeva
Ayting, qachon nurga to`lar
Xonadon-u xonalar?
Ostonadan qadam qo`ysa,
Unga aziz onalar!
Safargami, shahargami,
Olislasak bir qadam,
Bizni darrov eslagan kim,
Izlagan qaysi odam?
Naqarot:
Bu ayadir, bu oyidir, bu buvidir, onadir,
Bolasi deb, lolasi deb onajonlar yonadir.
Bolajonlar istaganda,
Kim quyoshga aylanar?
Yuragida ko`rinmas ip
Bolasiga boylanar,
Bolasi deb, lolasi deb,
Kim dunyoni kezadi?
Qoqilganin, yiqilganin
Ko`rmasa ham sezadi.
Naqarot:
Bu ayadir, bu oyidir, bu buvidir, onadir,
Bolasi deb, lolasi deb, onajonlar yonadir
Qani, ayting, kim bizlarga, Suyuklardan suyukdir?
Xonlardan ham, beklardan ham,
Shohlardan ham buyukdir.
Ulug`vordir, beg`ubordir,
U erishgan martaba.
Takrorlaylik, takrorlaylik
Nomin ko`plab martaba.
Naqarot:
Bu ayadir, bu oyidir, bu buvidir, onadir,
Bolasi deb, lolasi deb onajonlar yonadir.
She`r nima haqida ekan?
Darhaqiqat, ona dunyodagi eng ulug` zot hisoblanadi, uning mehrini
chegarasi yo`q. Ular yonimizda bo`lishsa, qalblarimiz nurga to`ladi,
doimo xotirjam bo`lamiz. Agar bizning biror joyimiz og`rib qolsa, ular
boshimizda parvona bo`lib darrov davolash payiga tushishadi, bizdan-da
ko`p dard chekishadi. Dunyoda farzandlarini onadan ham ko`proq yaxshi
ko`radigan zot bo`lmasa kerak. Biz ularni asrab-avaylashimiz, hurmatlarini
joyiga qo`yishimiz kerak, uy ishlarida qo`limizdan kelgancha yordamlashsak,
ularga yaxshilik qilgan bo`lamiz. Zero, eng avval onaga yaxshilik qilish
kerakligi hadislarda ham keltirilgan.
Lug`at ishi
Olislasak – uzoqlashsak
Suyuk – sevimli
Martaba- - egallangan daraja, qadr-qimmat
Ma`nodosh so`zlar: ona, aya, oyi
O`quvchilar she`rni 2 qatordan o`qiydilar.
IV. Yangi mavzuni mustahkamlash.
Mana, yangi mavzuyimiz bilan ham tanishib chiqdik. She`rdagi qaysi
jumlalar sizga yoqdi? Nima uchun?
Topshiriq
“Mening onam” mavzusida qisqacha hikoya yozing.
( Hikoya yozilguncha “Quvnoq daqiqa” o`tkazamiz. 2 ta o`quvchi
tanlab olinadi. O`yin nomi “Kim zukko-yu kim chaqqon” deb nomlanadi. Misollar aytiladi,
o`quvchilar javobini topib o`sha son ustiga tayoqcha bilan uradilar.)
2
1
3
7
8
10
6
4
9
5
Kim zukko-yu kim chaqqon”
O`yindan so`ng 3-4 o`quvchidan hikoyasini o`qib berish so`raladi
V. Baholash.
Stikerlar hisoblanib baholar qo`yiladi.
Nominatsiyalar beriladi: eng a`lochi, eng faol, eng chaqqon, eng zukko…
VI. Uyga vazifa.
She`rni yod olish. Mavzuga mos rasm chizish.
E`tiboringiz uchun tashakkur