Ғолиблар қонуни умрингнинг сўнгида қандай яшашни истасанг, шу бугуноқ шундай яшашни бошла

Яқинда Билл Гейтс юқори синфлар ўқувчиларига мурожаат қила туриб, ўсмирларга ҳеч қачон мактаб дастурларида ўргатилмайдиган 11 принцип ҳақида гапирди. Гейтснинг фикрича, ёшларга нисбатан ўта оптимизм ва хушмуомалалик, уларга ҳаётни ҳаққоний идрок қилишларига халақит беради ва албатта уларни етук ҳаётларидаги муваффақият-сизликларига сабаб бўлади.
Сайёрамизнинг энг омадли кишиларидан бирининг принциплари билан танишинг:
1. Ҳаёт ҳаққоний эмас - бу ҳолатга кўникишга тўғри келади.
2. Атрофдагилар сен ўзингга қандай баҳо беришингга тупуришади. Қандай бўлмасин бошлаган ишингни ўзинг охирига етказишингга тўғри келади.
3. Мактабни битирибоқ йилига 60000 долларлик даромадга умид қилма. Сен фақатгина “яхши йигит” бўлганлигинг учун машинасида спутник антеннаси бор фирмани вице-президенти бўла олмайсан. Аввал бунга тер тўкиб эришиш керак.
4. Сени ўқитувчинг сенга нисбатан ўта талабчан деб ўйлайсанми? Ўзинг ўқитувчи бўлганингда ўзингга нисбатан ташқаридан баҳо берасан.
5. Кафеда идиш-товоқ ювиш сени обруйингни ерга урмайди. Сени аждодларинг бунга бошқача сўз қўллашган. Улар буни ИМКОНИЯТ деб аташган.
6. Агар сен ноқулай, кўнгилсиз ҳолатга тушиб қолсанг, бу сени ота-онангни айби эмас, улардан нолима: хатоингни ўзинг тузат, хатолардан тўғри йўлни ўрганишади.
7. Сен туғилмасингдан олдин ота-онанг хушчақчақ ва самимий инсонлар бўлишган. Улар сени боқаман, кийинтираман, яхши тарбия қиламан деб мижғовга айланишган. Шунинг учун уларга ўргатишдан олдин ўзингни эплашни, хонангни йиғиштиришни, орқа-олдингни тоза тутишни ўрган.
8. Сенинг мактабингда балки ўқувчиларни илғор ва омадсизларга кескин ажратишмайди, ҳаётда эса бундай эмас, АЖРАТИШАДИ. Баъзи мактабларда паст баҳо деярли қўйишмайди ва ўқувчилар тўғри жавоб бериши учун қанча имконият керак бўлса, шунча имконият беришади. Ҳақиқий ҳаётда умуман бундай эмас, имкониятни йўқотдингми, тамом, орқада қолиб кетаверасан.
9. Ҳаёт чораклик ва таътилларга бўлинмайди, ҳеч ким сени ЎЗИНГНИ ТОПИШИНГ ни кутиб ўтирмайди, ҳамма югур-югур ва изланишлар ўз ҳисобингдан бўлади!
10. Ҳақиқий ҳаёт телевизорда кўрганингдан тубдан фарқ қилади. Аслида ҳар бир киши ҳар куни ишлайди, кафе ва ресторанлардаги маишат ўз ўрнида.
11. Зеҳни пастларнинг устидан кулма, тез орада улардан бирининг қўл остида ишлаб қолишинг эҳтимолдан холи эмас.