Флавоноидларнинг очилиш тарихи ва табиатда тарқалиши

6. Борат – лимон реакцияси. Чинни идишчага бир хил ҳажмда флавоноидларнинг ацетондаги эритмасидан ҳамда борат ва лимон кислоталарининг метил спирти (метанол) даги 1 % ли эритмасидан солиб, чайқатилса, сариқ – яшил тусда товланадиган тиниқ сариқ ранг ҳосил бўлади. Бу реакцияни 5 – оксифлавон ёки 5 – оксифлавонолларнинг борат кислота билан лимон (ёки оксалат) кислота иштирокида батохром комплекси ҳосил қилишига асосланган [4].


7. Ванилин билан реакцияси. Чинни идишчадаги ванилиннинг концентрланган хлорид кислотадаги 1 % ли эритмасига катехинлардан қўшилса, қизил ранг ҳосил бўлади [4].



2. Хроматографик анализ
Ҳозирги кунда флавониодларни анализ қилишда сифат реакциялари билан биргаликда хроматографик усуллардан ҳам фойдаланилади.
Ўсимлик моддаларидаги флавоноидларни аниқлашда қоғоз хроматографиси ва юпқа қатламли хроматографидан кенг фойдаланилади. Бунда чиқиш ва радиал хроматографиядан ишлатилади. Хроматограммада компонентларни УБ ёруғлик нурида кўриш мумкин. Бунда флавонлар, флаванол – 3 гликозидлари, флаванонлар, халконлар жигарранг доғ кўринишида кўринади, флавоноллар ва уларнинг 7 – гликозидлари сариқ ва яшил - сариқ доғ кўринишида, ксантонлар зарғалдоқ доғ кўринишида кўринади. Изофлавонлар ҳеч қандай ранг бермайди. УБ нурда хроматограммани кўрганимиздан сўнг уни реактивлардан бири билан қайта ишлаш мумкин (5 % ли AlCl₃ нинг спиртдаги эритмаси билан 105ºС да 3-5 мин қиздириш; 5% ли сурьма (III) хлоридининг тетрахлоруглероддаги эритмаси; 2% ли ишкорнинг спиртдаги эритмаси;), бунда УБ нурдаги флуоресценция зонаси янада аниқроқ кўринади.
Қоғоз хроматографиясини ишлатишда қуйидаги системалардан одатда кўпроқ фойдаланилади:
- сув билан туйинтирилган н – бутанол
- н – бутанол, сирка кислотаси, сув (4:1:5)
- 15% ли сирка кислотаси.
Юпқа қатлам хроматографиясини ишлатишда қуйидаги системалардан одатда кўпроқ фойдаланилади:
- хлороформ – этанол 8:2
-хлороформ – метанол 9:1
- бензол – сирка кислота 5:2
- этилацетат – сирка кислота 8:2
- этилацетат – чумоли кислотаси – сув 70:15:17
- метанол –сирка кислотаси – сув 18:1:1 [16].