Флавоноидларнинг очилиш тарихи ва табиатда тарқалиши

Рутиннинг УБ-спектри

Флавоноидларнинг ИҚ спектри ҳар хил группага тегишли бўлган ҳар хил ютилиш зонасига эга. Флавоноидлар учун энг муҳим идентификацияси 800-1200 нм ораликда бўлиб, бу соҳа «бармоқ изи» соҳаси дейилади. Олинган моддаларнинг синфлари шу «бармоқ изи» соҳаси билан мос келса, бу моддаларнинг бир-бирига тўғри келганини билиш мумкин [16].

Рутиннинг ИҚ-спектри
II.4. Флавоноидларни анализ қилиш усуллари
1. Флавоноидларга хос сифат реакциялари
Ажратиб олинган флавоноидларнинг структураси ҳақидаги дастлабки маълумотларни олиш учун кимёвий метод анализларидан фойдаланилади. Флавоноидлар сифат реакциялари билан аниқланади.
1. Цианидин реакцияси (Синод реакцияси). Флавоноидларнинг спиртдаги эритмасидан ёки ўсимликдан тайёрланган флавоноид ажратмасидан чинни идишчага 2 - 3 мл солиб, магний порошоги ва концентрланган хлорид кислотадан 5 - 6 томчи қўшиб, сув хаммомчасида 1 - 2 минут қиздирилса, қизил ранг ҳосил бўлади. Бу реакция флавонлар, флавоноллар, флавононлар ва флаванонолларга хосдир. Ушбу реакция юқорида кўрсатилган бирикмаларнинг водород билан кайтарилиши натижасида антоцианидинлар ҳосил бўлишига асосланган. Чинни идишчада кислотали шароит бўлгани учун ҳосил бўлган антоцианидинлар тезда қизил рангга ўтади. Реакция бошлангандан 10 минут кейин ҳосил бўлган ранг 2 соат давомида сақланиб қолади.
Флавононоллар реакция натижасида — қизил-бинафша, флавоноллар - кизил, флавонлар эса сарғиш (доимо яхши куринмайдиган) ранг ҳосил қилади. Бу реакция халкон ва ауронларга қилинмайди. Чунки улар эритмасига хлорид кислота қўшилиши билан (магний порошоги бўлмаса ҳам) оксоний тузлар ҳосил бўлиши ҳисобига эритма қизил рангга ўтади. Флавоноидлар гликозидлар ҳолида бўлса, цианидин реакцияси кийинлик билан боради. Бундай ҳолларда реакцияни тезлатиш учун олдин флавоноидлар эритмасига хлорид кислотадан қўшиб, 1 - 2 минут қиздирилади (гликозидлар гидролизланиб, соф агликонлар ажралиб чиқади), сўнгра магний порошоги қўшилади ва реакция юқорида кўрсатилгандек давом эттирилади [4].

2. Алюминий хлорид билан реакция. Чинни идишчадаги флавоноидларнинг спиртдаги 5 мл эритмасига (ёки ўсимликдан тайёрланган флавоноидларнинг 5 мл спиртли эритмасига) алюминий хлориднинг спиртдаги 5% ли эритмасидан бир неча томчи томизилса, купчилик флавоноидлар сариқ ранг ҳосил қилади [4].



3. Аммиак билан реакция. Чинни идишчада олинган флавоноидларнинг
спиртдаги эритмасига аммиак эритмасидан қўшиб, сув ҳаммомчасида бироз қиздирилади. Реакция натижасида флавонлар, флавоноллар, флавононлар ва флавононоллар эритмаси зарғалдоқ ёки қизил рангга ўтадиган сарик ранг ҳосил қилади. Халконлар ва ауронлар эритмасига аммиак эритмаси қўшилиши билан (қиздирилмасдан) қизил ёки тўқ қизил ранг ҳосил бўлади. Антоцианлар эса аммиак эритмаси таъсирида зангори ёки бинафша рангга бўялади. Бу реакцияни ишқор эритмалари билан қилинса ҳам юқоридагига ўхшаш натижа олиш мумкин [4].

флавонол халкон
4. Минерал кислоталар билан реакция. Чинни идишчадаги флавонларнинг спиртли эритмасига хлорид кислота таъсир эттирилса, флавоноидларнинг ҳамма гуруҳлари (катехинлардан ташқари) рангли реакция беради: флавонлар ва флавоноллар тиниқ сариқ, флавононлар зарғалдоқ - пушти - кизил, антоцианлар зарғалдоқ ёки қизил рангга бўялади.
Халконлар ва ауронлар кислотанинг концетрланган эритмаси билан оксоний тузлар ҳосил бўлиши ҳисобига қизил ранг ҳосил қилади.
Хлорид кислота ўрнига концентрланган сульфат кислота олинган тақдирда катехинлар, антоцианлар ва флавононлар қизил, флавонлар ва флавоноллар тиниқ сариқдан зарғалдок ранггача бўялади [4].
5. Темир (III) хлорид билан реакция. Чинни идишчадаги флавоноидларнинг спиртдаги 5 мл эритмасига (ёки ўсимликдан тайёрланган флавоноидларнинг 5 мл спиртли ажратмасига) темир (III)-хлориднинг спиртдаги 5% ли эритмасидан бир неча томчи кушилса, тўқ зангори, тўқ бинафша, тўқ. яшил ёки яшил ранг ҳосил бўлади. Темир (Ш)-хлорид эритмаси билан флавоноидларнинг ҳамма гуруҳлари рангли реакция беради [4].