Fiziologiya so’zi yunoncha bo’lib, tabiiyot ma’nosini bildiradi. XVI asrdan

MUSKUL QO’ZG’ALUVCHANLIGI VA O’TKAZUVCHANLIGI

---

Muakul tolasi membranasida tinchlik potensiali hosil bo’lishida va harakat
potensiali rivojlanishida nerv tolasi membranasiga nisbatan deyarli farq yo’q.
Faqat muskul tolalarining
qo’zg’aluvchanligi ancha past. Bu muskul tolasi
membranasi tinchlik potensialining miqdori nerv tolasidagidan ko’proq
bo’lishiga bbog’liq (nerv tolasi membranasida –70 mV, muskul tolasi
membranasida –90 mV). Ammo ikkala membrananing depolyarizatsiyalanish
kritik darajasi bir xilda –50 mV. Demak, nerv tolasini qo’zg’atish uchun uning
membranasini 20 mV ga depolyarizatsiyalash kifoya bo’lsa, muskul tolasida
harakat potensialini paydo qilish uchun uning membranasini 40 mV ga
depolyarizatsiyalash zarur. Shuning uchun muskul tolasini qo’zg’atadigan elektr
tokining bo’sag’a kuchi nerv tolasini qo’zg’atadigan bo’sg’adan ancha ko’p.
Muskul tolalarida harakat potensialining amplitudasi 120-130 mV ni tashkil
qiladi. Uning davomi tez muskullarda taxminan 1 ms, sekin muskullarda 2-3 ms.
Taraqqiy etgan nuqtadan bu potensial tola bo’ylab ikki tomonlama 3-5 m/s
tezlikda o’tkaziladi.