Fizika8 Uzb i-bob 1-26. pmd

Elektr uzatish tarmoqlari
Kuchaytiruvchi yordamchi stansiyada kuchlanishi oshirilgan elektr
toki o‘nlab, hatto yuzlab kilometr masofalarga uzatiladi va iste’molchilarga
taqsimlanadi.
Elektr energiyani elektrostansiyalardan iste’mol qilinadigan joy-
larga uzatuvchi tarmoqlar elektr uzatish tarmoqlari deb ataladi.
Elektr uzatish tarmoqlari, asosan, (1) tayanch, (2) izolyatorlar va
tok eltuvchi simlardan (3) iborat bo‘ladi (203-rasm). Tok eltuvchi simlar
alyuminiy va po‘latdan tayyorlanadi. Ularning ko‘ndalang kesim yuzasi
100−500 mm
2
, ba’zan undan ham katta bo‘ladi. Bunday yo‘g‘on va og‘ir
simlar likopchasimon baquvvat izolyatorlar orqali tayanchga osiladi. Bitta
tayanch 3−6 ta, ba’zan undan ham ortiq simni ushlab turadi. Odatda,
har bir tayanch balandligi 8−20 m, oralig‘i 100−200 m ga teng.
Chaqmoq paytida yashindan saqlash uchun tayanchning tepa uchiga
yashin qaytargich o‘rnatilgan bo‘lib, uning pastki uchi yerga ko‘miladi.