Fizika8 Uzb i-bob 1-26. pmd

Elektr payvandlashda hosil bo‘ladigan elektr yoy nihoyatda
yorug‘ bo‘lib, unga qarash ko‘z uchun zararlidir. Unga faqat
himoyalovchi ko‘zoynak orqali qarash mumkin. Elektr payvandlash
chog‘ida atrofdagi odamlar elektr yoyga qaramasligi zarur.
1. Elektr isitkich (plita)ning tuzilishi va ishlashini tushuntiring.
2. Eng oddiy dazmolning tuzilishi va ishlashini aytib bering.
3. Elektr choynak (qaynatkich) qanday elementlardan tuzilgan?
4. Elektr kavsharlagich qanday maqsadda qo‘llaniladi? Uning ishlashini tushuntirib
bering.
5. Elektr payvandlash qanday amalga oshiriladi?
1. 2,2 kW quvvatli elektr isitkich 220 V kuchlanishli tarmoqqa ulangan. Undan qancha
tok o‘tadi? Elektr isitkich va 100 W quvvatli elektr lampochka bir vaqtda yoqib
qo‘yilgan bo‘lsa, elektr isitkichda lampochkaga nisbatan necha marta ko‘p elektr
energiya sarflanadi?
2. Dazmolning spirali ko‘ndalang kesimining yuzasi 0,1 mm
2
 va uzunligi 2 m li
nixromdan tayyorlangan. Dazmol 220 V ga mo‘ljallangan bo‘lsa, uning quvvati
qanchaga teng?
3. 220 V ga mo‘ljallangan elektr choynakning quvvati 500 W ga teng. Choynak tarmoqqa
ulanganda undan qancha tok o‘tadi va uning elektr qarshiligi qanchaga teng?
4. Elektr payvandlashda elektrod bilan payvand qilinayotgan metall orasidagi kuchlanish
60 V ga teng bo‘lib, payvand paytida elektrodda 50 A tok oqib o‘tadi. Elektr
payvandlash asbobining quvvatini aniqlang.
Elektr isitkichning qizdirish elementini ko‘zdan kechiring. Buzilgan (ishdan chiqqan)
elektr qaynatkichning isitkichini bo‘laklarga bo‘lib, uning ichki tuzilishini tahlil
qiling.