Fizika va kimyo

7 - LABORATORIYA ISHI.

MAVZU 7. KIMYOVIY REAKSIYALAR KINETIKASI. KIMYOVIY REAKSIYALARNING TEZLIK KONSTANTASINI

ANIQLASH.

Ishdan maqsad: Murakkab efirlarning vodorod va gidroksil ionlari ishtirokida sovunlanish reaksiyalarining tezligini o‘rganish.

Kimyoviy kinetika - kimyoviy jarayon, uning mexanizmi va qonuniyatlari to‘g‘risidagi ta’limotdir. Kimyoviy reaksiyalarning mazmunini ikki asosiy bo‘lim tashkil qiladi:

1. Reaksiyaning mexanizimini hisobga olmasdan reaksiya tezligini formal - matematik ifodalash bo‘lib, formal kinetik deb nomlanadi.

2. Kimyoviy ta’sirlanish mexanizmlari to‘g‘risidagi ta’limot. Kimyoviy texnologiyada qo‘llaniladigan kimyoviy reaksiyalarni o‘rganish vaqtida ximiyaviy kinetika hamda kimyoviy termodinamika usullaridan foydalaniladi.

Kimyoviy kinetika kimyoviy jarayonlar tezligini oldindan aytishga imkon beradi. Kimyoviy termodinamika esa, bu reaksiya ketadimi yoki yo‘qmi deb aytishga, uning muvozanat holati va issiqlik effektini hisoblashga yordam beradi.

Lekin amaliyot uchun reaksiyaning borishi mumkinligini bilishdan tashqari uning

tezligini ham bilish kerak. Bunday savollarga javobni ximiyaviy kinetika beradi. Kimyoviy kinetika qonuniyatlarini bilish uchun reaksiya qaysi yo‘l bilan borishini bilish kerak, u esa oldindan ma’lum emas.