Fizika o’qitish metodikasi pedagogik fan sifatida. Reja

«Fizika o’qitish metodikasi» pedagogik fan sifatida.
Reja

1. 
   “FO’M” kursining pedagogik fan sifatida, FO’Mning maqsadi, vazifalari, tadqiqot predmeti va metodlari.
   
2. 
   Ta’limda hozirgi zamon davlat siyosati
   
3. 
   O’tgan va hozirgi zamon chet el hamda vatanimiz pedagog olimlarining «Fizika o’qitish metodikasi» sohasiga qo’shgan hissalari.
   
4. 
   Fizika o’qitish va o’rgatishning xozirgi zamon muammolari.
   

Fizika o’qitish metodikasi fani fizika o’qitish nazariyasi va metodikasini o’rgatadi. Fan ikki qismdan iborat bo’lib, birinchi qism fizika o’qitish metodikasining umumiy masalalarini, ikkinchi qismi esa hususiy masalalarini o’rgatadi.

Fizika o’qtish metodikasi kursining umumiy masalarida mamlakatimizda ta’lim sistemasining asosiy prinsiplari, o’qitish metodlari, fizika kursining tuzilishi, mazmuni, o’qitishning maqsadi va vazifalari, ularni amalga oshirish usullari bilan tanishib chiqiladi.
Fizika o’qtish metodikasi kursi pedagogik fan hisoblanadi.
Uning predmeti - fizika o’qitish nazariyasi va amaliyoti, hamda o’qitish jarayonida oquvchilarning tarbiyasi va rivojlanishi qaraladi.
Pedagogik fanlar sohalari qatorida Fizika o’qtish metodikasi ham pedagogik fan hisoblanadi. Fizika o’qtish metodikasi kursi gumanitar va amaliy fan deb qarash mumkin.
Fizika o’qtish metodikasi kursining vazifasi 3 ta savolga javob topish hisoblanadi: nima uchun o’qitish kerak, nimani o’qitish kerak va qanday o’qitish kerak. Birinchi savolga javob, o’qitishning maqsadini shakllantirshga hizmat qiladi. O’qitish maqsadlariga bog’liq ravishda nimani o’qitish aniqlanadi. Buning hal qilinishi natijasida fizika kursining mazmuni shakllanadi.
Fizika oqitishning maqsadi vaqt otishi bilan o’zgarib boradi va bu fizika kursining mazmuni va tuzilishini o’zgarishiga olib keladi. Shu bilan birga kursning mazmunini o’zgarishiga faning rivojlanishi, o’quvchilarning pedagogik-psihologik hususiyatlari, axborot texnologiyalarning rivojlanishi ham ta’sir qiladi.
Qanday o’qitish kerak degan savolga javob qidirilishi natijasida fizika o’qitishning usullari, vositalari, shakllari hosil qlinadi. O’qitish metodlari o’z-o’zidan o’qitishning maqsadlariga, shu bilan birga kursning tuzilishiga uzviy bog’liq bo’ladi.