Физика ўҚитиш методикаси ташкент 2019 Ўзбекистон республикаси олий ва ўрта

ТУРЛИ ДАРСЛАРГА ЎҚИТУВЧИНИНГ ТАЙЁРГАРЛИГИ, РЕЖА-КОНСПЕКТ ТУЗИШ УСУЛЛАРИ


Маъруза режаси:

1. 
   Анъанавий дарсларни ўтиш усуллари
   
2. 
   Режа-конспект тузиш усуллари
   
3. 
   АЛ ва КҲК ларида дарс ўтиш усуллари
   

VIII БОБ.


ДАРС ВА УНИ ЎТКАЗИШ МЕТОДИКАСИ.


§-1. Дарс кимё ўқитишнинг бош ташкилий шакли эканлиги. Дарс режаси, дарсга қўйиладиган талаблар. Дарс матнини тузиш.

Таълим босқичларида ўқитишнинг асосий ташкилий шакли дарс ҳисобланади. Кимё ўқув фанининг дастури асосида дарс амалга оширилади. Ҳар бир дарсда ўқитишнинг таълимий, тарбиявий ва ривожлантирувчи вазифалари бажарилади.

Кимё дарсларини режалаштириш. Меҳнатни илмий ташкил қилиш нуқтаи назаридан аввал дарсни режалаштириш керак. Бунда ўқитувчининг асосий вазифаси дарс мавзусининг мазмунини аниқлаб чиқиш, улар орасидаги боғланишларни аниқлаш ва мазмунини мантиқий кетма-кетликда режасини тузишдир. Дарс мазмунининг тарбиявий томонини ишлаб чиқишда унинг Республикадаги хом-ашё базаларига ва маҳсулотлар ишлаб чиқаришга боғлиқлигини аниқлаш, республика кимёгар олимларининг шу соҳада қилаётган ишларини кўрсатиш ва байналминал тарбияга боғлиқлигини аниқлаб, уларни дарсда баён этиш муҳим аҳамиятга эгадир. Ҳар бир дарснинг мавзуси, мақсади ва вазифалари, аввалги дарсларга боғланиши ҳамда ўқитиш воситаларини белгилаб олиш зарурдир. Дарсни режалаштириш ва ўтказиш маълум мақсадларга бўйсунади.
Кимё дарсига бўлган асосий талаблар қуйидагилардан иборат:
1. Ҳар бир дарсда ўқувчиларга таълим-тарбия бериш, ривожлантириш мақсадига эришиш.
2. Мазмуннинг илмийлигини амалга ошириш. Унда асосий назария, қонун, тушунчалар ва фактик материаллар, билимларни амалга ошириш.
3. Ҳар бир дарсда ўқувчиларни илмий дунёқарашини шакллантириш.
4. Ўқувчиларнинг кимё билимларини ўрганишга бўлган қизиқишларини ошириш учун турли ўқитиш методларидан фойдаланиш асосида мазмунни қизиқарли баён этиш.
5. Предметлараро боғланишни амалга ошириш.
6. Дарсда кимёвий экспериментнинг ҳамма турлари ва ўқитиш воситаларидан фойдаланиш.
7. Ўқувчиларни мустақил ишлашига ўргатиш, дарс вақтини тежаш.
8. Ўқитувчи билан ўқувчилар орасидаги ўзаро самимийлик ва ишонч орқали дарсда тинч ишлаш ҳолатини вужудга келтириш.
Дарснинг мазмуни давлат дастури ва дарслик билан аниқланади. Лекин дарсда ўқитувчи қўшимча материаллардан фойдаланиши мумкин. Қўшимча материалларда янги тушунчалар бўлмаслиги керак.