Физика ўҚитиш методикаси ташкент 2019 Ўзбекистон республикаси олий ва ўрта

ЎҚУВ ФИЗИКА ЭКСПЕРИМЕНТИНИ КЎРСАТИШ УСЛУБИ ВА ТЕХНИКАСИ


Маъруза режаси:
1. Физикани ўрганишнинг илмий-услубий мазмуний тузилмаси
2. Ўқув эксперименти турлари
3.Намойиш эксперименти ва унга қўйиладиган талабалар
4. Ўқув лаборатория эксперименти ва унга қўйиладиган талабалар

Маълумки. Ўзбекистон мустақилликка эришганидан кейин таълим тизимининг барча босқичларида ҳам тузилмавий ҳам чуқур мазмуний ўзгаришлар юз бера бошлади. Фан ва техника тараққиёти тарихини ўрганиш шуни кўрсатадики, илмнинг ривожи билан таълим мазмунида ҳам даврий равишда такомиллашишлар амалга оширилиб турилади. Ўзбекистондаги таълим тизимининг ўзгаришлари ҳам жаҳон фанидаги ва кадрлар тайёрлаш тизимидаги жиддий ўзгаришлар даврига тўғри келди. Бу ўзгаришлар таълимнинг янги мазмунида ва методларида ўз аксини топмоқда. Шунингдек Олий таълим мазмунида такомиллаштириш борасида катта имкониятлар яратилди.

Физикани ўрганишнинг илмий-услубий мазмуний тузилмаси қатор босқичлардан ташкил топиб, уларнинг ўзаро мантиқий боғланиши қуйидаги диаграммада келтирилган. Ушбу диаграммадан кўриниб турибдики, биз физика фанини ўрганиш жараёнида уни иккига физика назарияси ва физика экспериментига бўлиб ўрганамиз.
Физика назарияси – асосий тушунча, қоида, қонунлар ва назарияни илмий асослаб беради.
Физика эксперименти-асосан ўқитишда физикага оидэкспериментдан фойдаланишга асосланган бўлиб физика билимларини назарий жиҳатдангина эмас, балки амалий равишда ҳам ўзлаштириш имконини беради.
Тадқиқот эксперименти – бу номидан ҳам маълум у маълум йўналиш ёки мавзуни олиб уни атрофлича ўрганиб тадқиқ қилишга асосланган.
Ўқув эксперименти – бир вақтнинг ўзида билимлар манбаи, ўқитиш услуби ва кўргазмалик тури бўлиб ҳисобланади. Ўқув эксперименти субъектив янгилик бўлган ҳодисаларни, қонуниятларни кашф этиш учун хизмат қилади.

		ФИЗИКА