Физика фани ўқув хонаси ва лаборатория хоналарининг жиҳозланиш талаблари ва хавфсизлик техникаси қоидалари. Физика фанини ўқитишда кўргазма ва тажрибаларни ўтказиш методикаси

Ёруғлик ҳодисалари доир тажрибалар.
Ёруғлик ҳодисалари мавзусида ёруғликнинг тарқалиши, қайтиши, синиши ва оптик асбоблар ўрганилади. Бу тажрибаларда асосий эътибор одатда ёруғлик нурларининг йўлини ўрганиш эмас, балки ясси кўзгулар ясси параллел пластинкалар, призмалар ва линзалар ёрдамида олинган тасвирларни бевосита кузатишга эътибор берилган.
Ёруғлик манбалари.
Ўқитувчи ўқувчиларга ёруғликнинг табиий ва сунъий манбалари ҳақида маълумот беради. Ўқувчиларга табиий ва сунъий манбалар бир-биридан қандай фарқ қилиши сўралади. Табиий манбалар Қуёш, яшин, ялтироқ қўнғиз ва ҳ.к.о. Сунъий манбалар электр лампа, шамлар, телевизор экрани ва ҳ.к.о.
Ёруғликнинг ҳаво ва сув чегараларда синишини кузатиш.
Ўқувчиларга ёруғликнинг ҳаво ва сув чегараларда синишини кўрсатиш учун қуйидаги тажрибани ўтказиш мумкин. Бўш стакан тубининг ўртасига қаламни тик қўйинг ва унга қаламнинг пастки учи, стаканнинг чети ва кўз бир тўғри чизиқ ётадиган қилиб қараймиз. Сўнг бошингизни ҳолатини ўзгартирмасдан стаканга сув қўйинг ва қаламнинг пастги учига қаранг. Сувли стакандаги қаламни қия қилиб ўрнатинг ва дастлаб юқоридан, сўнг ён томондан қаранг. Қаламнинг сув ичидаги қисми бир оз силжиб қолгандек ва йўғонлашгандек кўринади. Бу тажриба орқали ўқувчиларга ёруғликнинг синишини тушунтириш мумкин.
Товуш ҳодисаларига доир тажрибалар.
Табиатда бу техникада хилма-хил тебраниш ва тўлқин ҳаракатлари мавжуд. Одамлар турмушида товуш тебранишлари ва тўлқинлар катта аҳамиятга эгадир. Товушнинг муҳитда тарқалишини кузатиш. Ҳар хил муҳитда товушнинг тарқалиши (0⁰ С га)

1.	Ҳаво…. 331 м/с	Шиша…. 8000 м/с
2.	Мис…. 1450 м/с	Арча…. 4800 м/с
3.	Темир…. 4900 м/с	Пўкак…. 430-530 м/с
4.		Каучук….50 м/с