Fitoterapiya

Psoriaz (po‘stloqli temiratki) fitoterapiyasi

Psoriazning kelib chiqish sababi ma’lum bo‘lmagan surunkali qayta-qayta takrorlanadigan xastalikdir. Кasallikning davom etishiga ko‘ra progressiv, regressiv va stasionar turlariga bo‘linadi. Psoriaz terida shakillangan turlicha va katta kichik tugunchalar paydo bo‘lib, tezda oqimtir, kumush rangli plastinka po‘stloqlar bilan qoplanadi. Tugunchalar boshning soch qismida, bilakda, tizzada ko‘proq, tironoqlar va bo‘g‘imlarda esa kamroq uchraydi.
Кasallikning davosida organizmning bu xastalikga seziluv- chanligining genetik irsiy faktori, kasallikning kechishi davri, terida tarqalishi hamda psoriazni boshqa kasalliklar bilan davom etishi inobatga olinib, umumiy va mahalliy davo ko‘rsatiladi.
Fotokimyoterapiyada ishlatiladigan preparatlardan tashqari (baroksan, psoralin, psiberan, dermozolan va boshqalar) turli ta’sirli fitopreparatlar ham qo‘llaniladi. Shu jumladan, umumiy davo sifatida adaptogenlar (eleutrakokk, anixopanaks, araliya, radiola va boshqalar), tinchlantiruvchi (arslonquyriq, valeriana, yalpiz, sallagul ivan choy va boshqalar), buyrak usti bez faoliyatini yaxshilaydigan o‘simliklar (qoraqiz damlamasi, qoraqat damlamasi, marjon daraxt damlamasi va boshqalar ishlatiladi. Psoriazning og‘ir kechishida sitostatiklar va glyuksteroidlar bilan bir qatorda kortikosteroidlarga o‘xshash ta’sirli dorivor o‘simliklar qizilmiya, kiyik panja, astral damlamalari, dermatotonik (anonis, uchrangli gunafsha, chakanda) fitopreparatlar beriladi.