Fitoterapiya

Ekzema kasalligining fitoterapiyasi

Ekzema terida pufakchalar hosil bo‘lishi, infiltratsiya, suv yo‘qolishi, qora qo‘tir, katta-kichik po‘stloq paydo bo‘lishi bilan kechadigan, ko‘pincha, surunkali davom etadigan, tez-tez qaytalab turadigan teri kasalligi hisoblanadi. Oshqozon va ichak, jigar kasalliklarida har xil kimyoviy moddalar, nur energiyasi va allergenlar ta’sirida paydo bo‘ladi. Ekzemaning ko‘p turlari vezikulyar, gipertrafik qora qo‘tir, mikrobli papulez profesionil va boshqalar ma’lum.
Ekzemani davo qilishda yallig‘lanishga qarshi, antimiqrob ta’sirli, allergiyaga qarshi ta’sir etadigan, etiologik va patogsnitik dori preparatlari hamda organizm qarshiligini oshiruvchi imunomodulyatorlar ishlatiladi. Bundan tashqari, ekzemani keltirib chiqargan faktorlarni bartaraf etish katta ahamiyatga egadir.
Ekzemani davo qilishda turli dorivor o‘simliklardan ham foydalanish mumkin. Fitopreparatlarni qo‘lashda ham kasallikni kelib chiqish sababiga, kechishiga, shakliga va oragizmni umumiy holi inobatga olinadi. Shu jumladan kasallik uyquning buzilishiga, asab buzilishi bilan kechadigan holatlarda sedativ – tinchlantiruvchi ta’sirli fitopreparatlar – arslonquyriq damlamasi yoki nastoykasi, valeriana ildizi va ildizpoyasining damlamasi, qaynatmasi yoki nastoykasi, yalpiz, tog‘rayxon o‘tlari va boshqalar yoki ularni saqlaydigan fitoyig‘malar tavsiya etiladi. Masalan:
Tog‘rayxon o‘ti – 25g, qoraqiz o‘ti, gazanda barglari, loviya po‘sti – 20g-dan, qulupnay barglari, yalpiz barglari, valiriana ildizi – 10 g-dan. Yig‘maning 1 qoshig‘i 200ml qaynoq suvga solinadi va bir necha vaqt qoldiriladi. 100ml kuniga 3 marta ovqatdan 30 daqiqa oldin ichiladi.
Ekzema oshqozon ichak kasalligi bilan bog‘langan bo‘lsa ko‘pincha quyidagi dorivor o‘simliklardan tashkil topgan fitoyig‘malar tavsiya etiladi: marmarak bargi, zubturum barglari, gazanda barglari, qizilmiya ildizi, achchiq shuvoq o‘ti, dalachoy o‘ti, bo‘ymadaron o‘ti, qirq bo‘g‘im o‘ti va boshqalar.
Jigar kasalligi bilan davom etsa, o‘t xaydovchi ta’sirli dorivor shsimliklar – bo‘znoch gullari, makkajo‘xori ustunchasi, zirk barglari, ekzema yiringli o‘zgarishlar (piodermiya) bilan zarar- langan bo‘lganda yallig‘lanishga qarshi, antiseptiklar, umumiy quvvatni oshiradigan o‘simliklari – dalachoy o‘ti, tirnoqgul guli, oq tol po‘sti, marmarak barglari, andiz ildizi va ularni saqlagan fitoyig‘malar qo‘llaniladi.
Кasallik qichinish bilan davom etganda qoraqiz, oq qayin, gazanda qirqbo‘g‘in, bozulbang nastoykasi va ularni saqlagan fitoyig‘madan foydalaniladi.
Ekzemada sirtga qo‘llash uchun turli yig‘malar ishlatiladi. Masalan: bo‘znoch guli, eman po‘stlog‘i, limono‘t barglari, tirnoqgul guli, qirqbo‘g‘im o‘ti-1 choy qoshig‘dan, qariqiz 2 choy qoshiq. Yig‘ma 150ml o‘simlik moyiga solinadi, qaynaguncha isitiladi. Bir necha vaqtga 12 soat iliq joyda qoldiriladi. Dokadan o‘tkazilib, kasallangan joyga kompress qo‘yiladi va kuniga 2-4 marta surtiladi.
Sirtga qo‘llashda turli ta’sirga ega bo‘lgan surtmalar vanna- lardan ham foydalaniladi.