Filial uslubchisi Ishmurodova M. K malaka oshirish guruhida nazariy mashg’ulotning texnologik xaritasi

Gestasion diabet
Homiladorlikning 24-28 haftalari oralig’ida har bir homilador ayol glukoza skrining testini topshirishi kerak. Agar homilador ayolda diabet rivojlanayotgan bo’lsa, u shifokorning jiddiy nazorati ostida bo’ladi. To’g’ri dieta va kerakli jismoniy mashg’ulotlar sog’lom bola tug’ishga yordam beradi. Lekin nazorat qilinmagan diabetlik homiladorlik bola salomatligida jiddiy muammolarni yuzaga keltirishi mumkin.
Gestasion diabet, asosan, alomatlarsiz kechadi, lekin ba’zida ayolda ko’rish qobiliyatining buzilishi, tez-tez chanqoq bosishi, o’ta ko’p miqdorda siyish kabi holatlar kuzatilishi mumkin.
Bachadondan tashqari homiladorlik
Bunda urug’langan tuxum bachadonda emas, ko’pincha bachadon naylarida rivojlanishni boshlaydi. Agar rivojlanayotgan embrionni jarrohlik yo’li bilan zudlik bilan olib tashlamasa, bachadon naylari yorilib, ichki qon quyilish yuzaga keladi va ayol hayoti xavf ostida bo’ladi. Bachadondan tashqari homiladorlik doim homila olib tashlash bilan yakun topadi.
Yo’ldoshning oldida bo’lishi
Yoldosh oldida bo’lishi degani uning o’ta pastda, siydik pufagi oldida joylashganiga aytiladi. Homiladorlikning ilk davrida bu xavfli bo’lmagani bilan, homila kattalashgan sari yo’ldosh yanada pastga tomon tushib qon ajralishiga, natijada bolaning muddatidan oldin tug’ilishiga olib kelishi mumkin.
Yo’ldoshning joylashuvi homiladorlikning o’rtalarida UTD orqali ko’riladi. Lekin homila rivojlangan sari yo’ldosh joylashuvini yuqori tomonga qarab o’zgartirishi ham mumkin.Yo’ldoshning oldida bo’lganda qon ketishi kuzatiladi. Bu holat darajasi o’ta jiddiy bo’lsa, bola kesarev kesilish yo’li bilan tug’iladi.
Homilador ayollarda xavf omillarini aniqlash bo’yicha quyidagi 7 ta yo’riqnoma ishlab chiqilgan:
1. Homilador ayolning hayotiga xavf soluvchi belgilar borligini aniqlash.
2. Homiladorlik davrida noto’g’ri ovqatlanish omillarini aniqlash.
3. Homiladorlik davrida depressiyani aniqlash.
4. Homiladorlikkacha bo’lgan xavfli omillarni aniqlash.
5. Homilador ayolda xavf omillarini aniqlash.
6. Homiladorlikda zararli odatlar xavfini aniqlash.
7. Homilador ayolning ijtimoiy xavflarini aniqlash.