Filial uslubchisi Ishmurodova M. K malaka oshirish guruhida nazariy mashg’ulotning texnologik xaritasi

Oilaviy shifokor hamshirasining lavozim yuriqnomasi
1.Oilaviy shifokor hamshirasi (patronaj, doya, pediatr va terapevt hamshiralari) oliy ma’lumotli tibbiyot hamshira ma’lumotiga yoki o’rta ma’lumotga ega bo’lgan “umumiy amaliyot hamshirasi”, “felьdsher”, “doya” kasbiy yunalishlari buyicha maxsus tibbiy ma’lumotga ega bo’lgan diplomli mutaxassis.
1.Oilaviy shifokor hamshirasi hamshiralik ishi doirasida biriktirilgan axoliga, jinsi va yoshidan qat’iy nazar, birlamchi tibbiy yordamni ko’rsatish va kasalliklarning oldini olish buyicha tadbirlar o’tkazadi.
2.Oilaviy shifokor hamshirasi kasbiy vazifalari doirasida o’ziga biriktirilgan oila shifokori bilan birgalikda hamda o’zi mustaqil ravishda oila shifokorining bevosita nazorati ostida axoliga va oilalarga tibbiy-profilaktik va muolajalar xizmatini ko’rsatadi.
3. Oilaviy shifokor hamshirasi tibbiy brigadalar tarkibida (pediatr hamshirasi, terapevt hamshirasi, doya va patronaj hamshiralar) faoliyat yuritadi.
4.Oilaviy shifokor hamshirasi bevosita muassasa raxbariga, xizmat faoliyatida bevosita bo’lim katta hamshirasiga, muassasa bosh hamshirasiga, tibbiy profilaktik va muolajalar kabi ishlarni tashkil etish buyicha oila shifokoriga, pediatr, akusher-ginekolog va terapevtga bo’ysunadi.
5.Oilaviy shifokor hamshirasi o’z faoliyatini O’zbekiston Respublikasining amaldagi qonunchiligi, O’zbekiston Respublikasi sog’liqni saqlash vazirligining buyruq va yuriqnomalari, sog’liqni saqlash xududiy organlarining tegishli buyruqlari, muassasa ichki buyruq va boshka me’yoriy normativ xujjatlar hamda mazkur yo’riqnomaga asosan amalga oshiradi.
6.Oilaviy shifokor hamshirasini lavozimga tayinlash va lavozimdan ozod qilish amaldagi mexnat qonunchiligida belgilangan tartibda muassasa rahbari tomonidan amalga oshiriladi.
1.Oilaviy shifokor hamshirasining kasbiy majburiyatlari
Oilaviy shifokor hamshirasi o’z vakolati doirasida oila shifokori bilan birgalikda quyidagi vazifalarni amalga oshirishda ishtirok etadi:
Oilaviy shifokor hamshiralarining barchasi tibbiy xatlov jarayonida patronaj xizmatini bajaradi; biriktirilgan axolida eng ko’p uchraydigan kasalliklarning kelib chiqish xavf omillarini aniqlaydi, antropometrik tekshiruvlar o’tkazadi; oila a’zolariga o’zining sog’ligini saqlash, kasalliklarning oldini olish masalalari bo’yicha o’z vaqtida tibbiy maslaxat beradi, to’g’ri ovqatlanish, zararli odatlarga qarshi kurashish, jismoniy faollikni targ’ib qilish, sog’lom turmush tarzi ko’nikmalarini odat qilish bo’yicha tadbirlar o’tkazadi; shoshilinch xolatlarda shifokor kelgunga yoki shifoxonaga yuborilishiga qadar shoshilinch birinchi tibbiy yordam ko’rsatadi; axolini epidemiologik xavfli vaziyatlar to’g’risida ogoxlantiradi; biriktirilgan xudud va uy xo’jaliklari sanitar xolatini umumiy nazorat qiladi; xonada sanitar-gigienik tartib, emlashdan keyingi asoratlar, parenteral gepatit, OIV infektsiyalar va boshqa infektsiyalar oldini olish choralarini ko’radi; tibbiy ko’rik va skrining tekshiruvlarini o’tkazishda oila shifokoriga, pediatr, terapevt va akusher-ginekologga yordam ko’rsatadi; surunkali kasalliklarni aniqlash maqsadida profilaktik va maqsadli tibbiy ko’riklar, shuningdek biriktirilgan axoli o’rtasida, surunkali kasalliklar bilan og’riganlar va dikrektiv guruxlar o’rtasida umumiy dispanserizatsiya o’tkazishda ishtirok etadi; noinfektsion kasalliklarning, ijtimoiy axamiyatga ega bo’lgan - sil, teri-tanosil kasalliklari, xavfli o’smalar, qandli diabet, OIV/OITS va giyoxvandlikning oldini olish hamda ularga qarshi kurashish buyicha tadbirlarni amalga oshiradi.