Fermer xo'jaligiga suv etkazib berish to'G'risida

II.ShARTNOMANING BAHOSI VA HISOB-KITOB TARTIBI

2.1. Mazkur shartnoma bahosi _____________ (_________________________________ ____________________________) so'mni tashkil etadi hamda to'lovlar mazkur shartnomaning 3- va 4-ilovalariga muvofiq “Etkazib beruvchi”ning rivojlantirish jamg'armasiga o'tkazib boriladi.

2.2. “Iste’molchi” tomonidan har oy uchun ko'rsatilgan suv xo'jaligi xizmatlariga hisoblangan to'lovlarning 30 foizi oy boshida, 70 foizi oy oxirida “Etkazib beruvchi”ga to'lab beriladi.
2.3. Ko'rsatilgan xizmatlar uchun taraflar o'rtasida oyma-oy solishtirma dalolatnoma tuzib
boriladi.


III.TARAFLARNING HUQUQ VA MAJBURIYATLARI

3.1. “Etkazib beruvchi” quyidagi huquqlarga ega:
a) Mazkur shartnomaga asosan ko'rsatilgan suv xo'jaligi xizmatlari uchun to'lovlar o'z vaqtida to'lanishini talab qilish;
b) “Iste’molchi” bilan tuzilgan qo'shimcha kelishuvga asosan suv olish limitlariga o'zgartirish kiritish (manbalarning suvliligi kamaygan hollar bundan mustasno);
v) manbalarda suvning hajmi kamaygan yoki ko'paygan holatlarda suv olish limitlariga, suvdan foydalanish yoki suv iste’mol qilish rejasi parametrlari o'zgartirilmasdan, darhol tuzatishlar kiritish;
g) zarurat tug'ilganda “Iste’molchi” tomonidan olinayotgan suvning miqdorini tekshirish;
d) “Iste’molchi” tomonidan o'zboshimchalik bilan suv ochilsa yoki ruxsat etilmagan joydan suv olinsa, olingan suvdan boshqa maqsadlarda foydalanilsa hamda limitdan ortiqcha suv olinsa, sug'orish uchun berilgan suvlarning kollektor-drenaj tarmog'iga tashlab qo'yish holatlari aniqlangan taqdirda tegishli chora ko'rish uchun O'zbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasining hududiy organlariga ma’lumot kiritish;
e) sug'orish tarmoqlariga, ulardagi inshootlarga zarar etkazilsa, etkazilgan zararni qoplatish choralarini ko'rish va etkazilgan zararlar qoplanmagan taqdirda “Iste’molchi”ga yozma ravishda ogohlantirish berilib, suv berishni vaqtinchalik to'xtatib qo'yish;
j) “Iste’molchi” tomonidan ko'rsatilgan suv xo'jaligi xizmatlari uchun to'lovlar
o'z vaqtida amalga oshirilmagan hollarda, (bir marotaba yozma ravishda ogohlantirishdan so'ng) suvni etkazib berish va boshqa turdagi xizmatlarni ko'rsatishni vaqtinchalik to'xtatib qo'yish;
z) manbada suv kamaygan taqdirda, “Iste’molchi”ning takliflarini inobatga olgan holda, suvdan navbatlab foydalanish va suvni iqtisod qilishning boshqa chora-tadbirlarini amalga oshirish;
i) “Iste’molchi”ga berilgan suv resurslaridan, tasarrufidagi sug'orish tarmog'idan samarali foydalanish bo'yicha takliflar berish;
“Etkazib beruvchi” qonun hujjatlarida va ushbu shartnomaga muvofiq boshqa huquqlarga ham ega bo'lishi mumkin.