Фавқулодда вазиятларнинг олдини олиш соҳасидаги давлат сиёсати қандай шаклланади?

Эвакуация пайтида қандай ташкилий тадбирлар амалга оширилади?

Эвакуацияда ташкилий тадбирлар қуйидагиларни ўз ичига олади:

1. Кундалик фаолият режимида тайёргарлик ишлари олиб борилади, уларга қуйидагилар киради.
- эвакуация режасини ва эвакуация тадбирлари билан боғлиқ бошқа ҳужжатларни ишлаб чиқиш;
- авариялар, ҳалокатлар ва табиий офатлар юзага келганда бирламчи ҳаёт фаолиятини таъминлаш масалаларини режалаштириш ва ҳал қилиш;
- эвакуация комиссиялари, вақтинча яшаш пункти маъмурияти, узоқ муддатли яшаш пункти маъмурияти ва уларнинг ишлаш тартибига аниқликлар киритиш;
- фавқулодда вазият содир бўлганда фавқулодда вазиятларнинг шикастловчи омиллари мавжуд бўлган ҳудудга тушган аҳоли сонини аниқлаш;
- пиёда ва транспортда эвакуация қилинадиган аҳолини рўйхатини тузиш;
- транспорт таъминотига аниқлик киритиш. Транспорт таъминотини режалаштириш;
- транспорт воситаларини тақсимлаш;
- эвакуация йўналишларини аниқлаш ва тайёрлаш, йўл белгилари ва кўрсаткичларини ўрнатиш;
- вақтинчалик яшаш жойини, узоқ муддатли яшаш жойини ҳамда аҳолини қабул қилиб олиш пунктларини тайёрлаш;
- хабар бериш ва алоқа тизимларининг тайёрлигини текшириш;
- мавжуд муҳофаза иншоотларини тайёр ҳолатга келтириш.
2. Фавқулодда режимда. Аҳолини эвакуация қилиш тўғрисида сигнал олгандан кейин қуйидаги чоралар кўрилади:
- раҳбар ходимларни, корхоналар ва ташкилотларнинг эвакуация комиссиялари раисларини, шунингдек, аҳолини эвакуацияни бошлаш ва ўтказиш тартиби тўғрисида хабардор қилиш;
- эвакуация комиссияларини таркиб топтириш ва шай ҳолатга келтириш;
- аҳолини кўчиб борадиган жой ҳақидаги маълумотлар билан таъминлаш;
- эвакуация тадбирларини амалга ошириш режасига асосан эвакуация қилинадиган аҳолининг вақтинча ҳамда узоқ муддат яшайдиган жойлари маъмуриятининг, эвакуация тадбирларида иштирок этадиган ФМ хизматларининг фаолиятини назорат қилишни ташкил қилиш;
- вилоят, шаҳар ФВБ (бўлимлари) билан ўзаро ҳамкорликни ташкил қилиш;
- хавфсиз ҳудудларга эвакуация қилиниши керак бўлган аҳолини йиғиш ва тайёрлаш;
- транспорт воситаларини аҳолини йиғиш пунктларига етказиб бериш;
- вақтинча яшаш жойи, узоқ муддатли яшаш жойи, транспорт хизматлари билан барқарор алоқани таъминлаш;
- аҳолини кўчириш жараёнининг амалга оширилишини назорат қилиш;
- эвакуация қилинадиган аҳолини қабул қилиш ва олдиндан тайёрланган хавфсиз зоналарга жойлаштириш;
- Бирламчи ҳаёт таъминоти бўйича ишларни ташкил қилиш.

15.