Фавқулодда вазиятларнинг олдини олиш соҳасидаги давлат сиёсати қандай шаклланади?

Ўқув машқлари қандай таснифланади?

Қўмондонлик-штаб ўқув машқлари қуйидагича таснифланади:

1. Миқёсига кўра;
2. Ўтказиш муддатлари ва вақтига кўра;
3. Ўтказиш жойига кўра;
4. Ўтказиш усулига кўра;
5. Ўтказиш турига кўра.

1. Миқёсига кўра:

Қорақалпоғистон Республикаси, вилоятлар ва Тошкент шаҳрида;
Қорақалпоғистон Республикаси, вилоятлар ва Тошкент шаҳри тасарруфидаги туманлар ва шаҳарларда;
давлат бошқаруви органлари ҳамда бошқа ташкилотларда.

2. Ўтказиш муддатлари ва вақтига кўра:

Қорақалпоғистон Республикаси, вилоятлар ва Тошкент шаҳрида -
5 йилда бир марта уч кеча-кундузгача;
туманлар ва шаҳарларда - 3 йилда бир марта уч кеча-кундузгача;
давлат бошқаруви органлари ҳамда бошқа ташкилотларда -
1 йилда бир марта бир кеча-кундузгача.

3. Ўтказиш жойига кўра:

харитада;
ҳудудда.

4. Ўтказиш усулига кўра:

ҳақиқий вақт ҳолати бўйича, яъни 1 соат 1 соатга тенглаштирилади;
тезкор силжиш усули билан, яъни 1 соат 3, 4, 5 в.ҳ.к соатларга ёки суткаларга тенглаштирилади.

5. Ўтказиш турига кўра:

ражалаштирилган ҚШЎМ;
текширув тарзида ўтказиладиган ҚШЎМ;
кўргазмали ҚШЎМ;
тажриба тарзида ўтказиладиган ҚШЎМ.

Ҳудудда ўтказиладиган ҚШЎМ мақсадига кўра қуйидаги турларга бўлиниши мумкин:

қутқарув ва бошқа ишларни ташкил этиш ҳамда қутқарув, қидирув-қутқарув бўлинмаларини бошқариш бўйича раҳбарлар ва штабларнинг изчил ҳаракатлари ва тайёргарлик даражаларини текшириб кўриш мақсадида амалга ошириладиган режали;
қутқарув, қидирув-қутқарув бўлинмалари томонидан уларнинг жанговар ҳамда дала шароитларида фаолият олиб боришга тайёргарлигини текширишга, шунингдек раҳбарларнинг қўмондонлик-бошқарув ишларини ташкил этиш ва ўтказиш бўйича услубий маҳоратини текширишга қаратилган текшириш (назорат) хусусиятига эга бўлган;
авария-қутқарув, қидирув-қутқарув тузилмаларини бошқариш, штаблар фаолиятини ташкил этиш, низомлар, кўрсатмалар, қўлланмалар талабларини бажариш, янги ҳужжатлар намуналари (шакллари) ва техник воситаларни бошқариш мақсадида ўтказиладиган тажриба хусусиятига эга бўлган.

15.