Favqulodda vaziyatlarni bartaraf qilish hamda tizimni takomillashtirish

SAMAVTO QOʻSHMA KORXONASI 
“SAMAVTO” qoʻshma korxonasi — avtomobilsozlik sanoati korxonasi 
“Oʻzavtosanoat” uyushmasi tarkibiga kiradi. “Oʻzavtosanoat” va “Koch holding A. 
Sh.” (Turkiya) kompaniyasining hamkorligida tashkil etilgan. Oʻrta hajmli 
avtobuslar va yuk mashinalari ishlab chiqarishga ixtisoslashgan. Oʻzbekiston va 
Turkiya oʻrtasidagi iqtisodiy munosabatlar asosida qoʻshma korxonani qurish 
toʻgʻrisida 1995-yilda bitim, 1996-yilda taʼsis hujjatlari imzolandi. Korxona 
qurilishini moliyalashtirishda Oʻzbekiston Respublikasi (50%), Turkiya tomonidan 
“KochAvtoinvest LTD” (40%), “RamDish tijaret A. Sh.” (5%), “Koch holding
A. Sh.” (5%), kompaniyalari qatnashgan. 1999-yil mart oyida zavodning dastlabki 
mahsulotlari — shahar ichida va shaharlararo yoʻlovchi tashishga moʻljallangan 
oʻrta hajmli avtobuslar, ishlab chiqarildi. 2000-yildan 2 t dan 5 t gacha yuk 
koʻtaradigan mashinalar ishlab chiqarish oʻzlashtirildi. 2002-yil shaharlararo 
yoʻlovchi tashuvchi turbodizelli dvigatel oʻrnatilgan avtobuslar va 10 tonna yuk 
koʻtaradigan yuk mashinalari ishlab chiqarila boshladi. 2002-yilda, shuningdek, oʻt 
oʻchirish, assenizatsion, evakuator, yoqilgʻi, ichimlik suv, chiqindi, non va non 
mahsulotlari tashuvchi maxsus avtomobillar ishlab chiqarish yoʻlga qoʻyildi.
2003-yilda shahar ichida 50 ta yoʻlovchi tashishga moʻljallangan avtobus, 20 tonna 
yuk koʻtaradigan «Ford» rusumli yuk mashinasi ishlab chiqarish boshlandi. 
Korxonada Yaponiya, Germaniya, Italiya, Angliya va Turkiyada ishlab chiqarilgan 
eng 
zamonaviy 
texnologik 
uskunalar oʻrnatilgan. Korxonada ishlab 

---

53 
chiqarilayotgan avtomobillar tannarxini kamaytirish, ularning butlovchi va ehtiyoj 
qismlarini mahalliy korxonalarda ishlab chiqarish chora-tadbirlari koʻrilmoqda. 
Korxonada 2002-yil 414 ta avtomobil ishlab chiqarildi. Korxona mahsulotlari 
Oʻzbekiston ichki bozorida sotiladi, shuningdek, Rossiya, Ukraina, Qozogʻiston, 
Afgʻonistonga eksport qilinadi. Eksport salmogʻini oshirish maqsadlarida shu 
davlatlarda korxonaning vakolatxonalari ochilgan.