Farzandimiz kelajagiga befarq bo’lmaylik” Bugungi kunda “

“FARZANDIMIZ KELAJAGIGA BEFARQ BO’LMAYLIK”

Bugungi kunda “O‘quvchi-yoshlarning psixik salomatligini mustahkamlash, o’quvchilarning ota onalarida farzand tarbiyasiga yanada masulyatini oshirish ularga to‘g‘ri ta’lim tarbiya, yo‘nalish berish, oiladagi ota ona va farzand munosabatlarini yaxshilash, o‘smirlik davrida turgan o‘quvchilarda emotsial holatlarni yaxshilash, kasb hunar tanlashda ko‘mak berish” masalasi dolzarb bo’lib bormoqda.
Ushbu “Farzandlarimizga kelajagiga befarq bo’lmaylik” aksiyasi doirasida ota onalar o’quvchilar pedagok xodimlar, ishtirok etib, oilaviy munosabatlar hamda farzand tarbiyasi to‘g‘risidagi kerakli maslaxatlarini malakalarini boshqalarga xam ulashdilar, va o’zlariga farzand tarbiyasi, uning psixologiyasi va boshqalar xaqida kerakli malumotlarni oldilar. O‘zbek oilalarida ota-onalarga yuksak hurmat va e’tibor ko‘rsatiladi. Oilaning katta o‘g‘illari ota-ona, uka-singillariga doimo yordam berib keladi. Ko‘pchiligimiz tinchlik-xotirjamlik, o‘zaro hurmat va kelishuv, hamfikrlik, hamjihatlik, ma’naviy yaqinlik kabi qadriyatlar mujassam bo‘lgan oilani baxtli va ahil deyishimiz mumkin.
Afsuski oxirgi paytlarda milliy qadriyatlarimizning buzilish holatlari ro‘y bermoqda. Oila a’zolarining ayrimlari tomonidan ichkilikka ruju qo‘yish, turli moddalarni iste’mol qilish, kompyuterga tobelik, oilaviy janjallar hayotimizga kirib kelmoqda. Bu esa yosh avlodning tarbiyasiga, uning sog‘lom psixik rivojlanishiga salbiy ta’sir qilmoqda.
Sog‘lom va tinch-farovon oilada ota-onalar farzandlarini bo‘sh vaqtini tashkil etishga katta ahamiyat beradilar. Ota-onalar shuni tushunishlari kerakki, oilaning yashash va turmush tarzi, oila a’zolar o‘rtasida majburiyatlarning to‘g‘ri taqsimlanishi, mehnat va dam olishni rejalashtirish muhim hisoblanadi.Oilada farzandning psixik rivojlanishi muhim rol o‘ynaydi.Shu bois ota-onalar har qanday vaziyatda farzandlarini tushinishlari,ularga muammolarni yengishga ko‘maklashishlari, kasb tanlash borasida yordam berishlari kelakjaklariga befarq bo‘lmasliklari lozim. Zero, har bir oilada o‘sib ulg‘ayotgan farzandlar Yurtimizning boqiy kelajagidir.


Jarqo’rg’on tumanidagi 33-sonli umumta’lim maktab
amaliyotchi psixologi: Norkuvatov Xolmamat Nurmuhamadovich