Фарпи итж, нтж ферПИ, 2021, T. 25, №3

Pulslanuvchi yoy bilan payvandlash. Bu jarayonning moxiyati shundan iboratki, payvandlanadigan buyumga yuboriladigan quvvat miqdori va tezligi faqat payvandlash rejimi bilan bog`liq bo`lmasdan, vaqti vaqti bilan pulslanib turuvchi tok kuchiga ham bog`liq.
Payvandlash toki metalning fizik issiqlik xususiyatlaridan, birikma turidan, chokning geometrik shakli va fazodagi joylashuvidan kelib chiqib tanlanadi. Bunda payvandlash toki maksimal kattaliklardan minimalgacha o`zgarishi yoki nolga teng bo`lishi mumkin, pulslanish chastotasi sekundning o`ndan bir ulushlaridan, bir necha sekundgacha o`zgarishi mumkin.
Bu payvandlash usuli tomonidan quyidagi afzalliklarni ta’minlash mumkin:

• 
  Jarayonni oddiy jihozlarda amalga oshirish mumkinligini;
  
• 
  Elektr kattaliklari ko`rsatkichlar bo`yicha silliq o`zgaradi, bu buyumga issiqlikni bir xilda o`tishini ta’minlaydi;
  
• 
  Yoy quvvatining silliq pulslanishi, uning bosimini silliq o`zgarishini ta’minlaydi: payvandlash vannasi hajmi qanchalik katta bo`lsa, suyuq metalga bo`lgan bosimni ortishi asta sekin ortadi, bu esa chayqalishlarni, kuyishlarni oldini oladi va sochrashlarni kamaytiradi.
  
• 
  payvand yoyining quvvatini va shu oraliqda payvand vannasini kristallanishini davriy pasayishi turli fazoviy holatlarda payvandlashni osonlashtiradi;
  
• 
  pulslanuvchu yoy bilan payvandlashga hos bo`lgan payvand birikmalarini shakllanishi payvand birikmasini plastik hususiyatlarini yuqoriligini ta’minlaydi.
  

Shu bilan birga bu usulni quyidagi kamchiliklarni sanab o`tish mumkin:
Pulslanuvchi yoy bilan payvandlash jarayoni austenitning transformatsiyalanish temperatura intervalida kop marta termik tasir zonasining qizishi va sovishi hisobiga metalni kimyoviy va strukturaviy bir hilligini qiyinlashtiradi.
Bir hilmaslik kuchayishi ko`p martalik sovushlar natijasida davriy ravishda murakkab turli strukturalarni o`zida birlashtiruvchi agregatlar shakllanishi va erib ketishi hisobiga sodir bo`ladi.
Umumiy holatda feritdan ham austenitdan ham ajraluvchi uglerod bilan turli darajada to`yingan, karbidlar hosil bo`lishi mumkin.
Pulslanuvchi yoy bilan payvandlashda tasirlar asosan payvandlash vannasiga yo`naltirilgani inobatga olingan.
Jarayon metal tomchilarini o`tishini boshqarmaydi. Sochrashlarni kamayishi bilvosita jarayon hisoblanadi.