Farmon Ergashovich Nurboeyv, Shahlo Shavkatovna Tillоeva, Dilbar Baxriddinovna Raxmatova

                   V-BOB.KO’KRAK  QAFASI  A’ZOLARI  KASALLIKLARI 
5.1. § . O`pka kasalliklarini sharqona usulda  tashxislash va davolash 
.O`pka nayi va o`pkaning anatomiyasi 
         O`pka  nayi  -  bir-biriga  tutashgan  halqa  va  halqaning  bir  cheti  shaklidagi 
ko`p  tog’aylardan  tuzilgan  a`zodir.  Bu  a`zoning  orqasidagi  ovqat  yo`li,  ya`ni 
qizilo`ngachga  tegib  turadigan  halqalarining  davrasi  qisqa  va  yarim  doiraga  yaqin 
qilib  tuzilgan  bo`lib,  ularning  kesilgan  joyi  qizilo`ngachga  qaratib  qo`yilgan. 
Qizilo`ngachga  o`pka  nayining  tog’aysimon  qismi  emas,  balki  pardasimon  qismi 
tegib, tog’aysimon qismi oldinga qarab turadi. U tog’ay halqalar bir-biriga boyloqlar 
bilan  birikkan  bo`lib,  bu  keyingilarni  parda  bilan  qoplab  turadi.  Ichkari  tomondan 
hammasining  ustidan  silliq  va  bir  oz  quruq  va  qattiq  bo`lgan  parda  o`rab  o`tadi. 
Sirtidan  og’iz  va  hiqildoqqa  yondosh,  yuqori  tomon  uchidan  ham  shunday  parda 
o`rab  o`tadi.  O`pka  nayining  quyi  uchi  ikki  qismga  bo`linadi.  Keyin  ular  harakatli 

---

245 
 
(arteriya)  va  harakatsiz  (vena)  tomirlarining  shaxobchalariga  yondoshib,  o`pka 
bo`ylab  o`tadigan  ko`p  bo`limlarga  bo`linadi.  Bo`limlarning  uchlari  og’izchalar  -  
pufakchalar  bilan  tugallanadi,  u  og’izchalar  shu    bo`limlarga  ham  shakl  bo`lib, 
ularga yondashib o`tadigan tomirlarning og’izchalaridan ko`ra torroq bo`ladi. 
        O`pka  nayining  tog’aydan  yaratilishi,  uning  ochilib  turishi  va  yumshoqlik 
uni berkilishga majbur qilmasligini ta`minlaydi. O`pka nayi qizilo`ngachdan oldinda 
joylashgan bo`lib, tovushning paydo bo`lishiga sabab yoki yordamchi bo`ladi. O`pka 
nayining pardalar bilan bir-biriga bog’langan ko`p tog’aylardan tuzilishi esa, havoni 
tortish va chiqarish paytida cho`zilishi va yig’ilishi mumkin bo`lishini ta`minlaydi. 
Shunda  quyi  va  yuqoridan  paydo  bo`ladigan  to`qnashishlardan  va  o`zida  ikkala 
tomonga  qarab  bo`ladigan  tortilishlardan  zarar  ko`rmaydi.  Yana  agar  biror  ofat 
yetsa, u tarqalmaydi va o`pka nayining  hammasini   qoplamaydi. 
        Nayning  yumaloq  shaklda  tuzilishi  uning  ixchamroq  va  bexavotirroq 
bo`lishi uchundir. Lekin qizilo`ngachga tegib turadigan joyining davrasi to`la emas. 
Bu ichga o`tadigan luqmani qismasligi va qizilo`ngach eniga cho`zilganda luqmadan 
uzoq  turishi  uchundir.  O`pka  nayi  o`z  kovakligini  go`yo  qizilo`ngachga  beradi. 
Shunda  qizilo`ngach  o`pka  nayi  tomon  kengayib  o`ziga  berilgan  kovaklikka  botib 
kiradi.  Ayniqsa  yutish  bilan  nafas  olish  bir  vaqtda  bo`lmaganidan  ham  shunday 
qilingan.  Chunki  yutish  o`pka  nayining  tepasidan  o`tadigan  ovqat  unga  kirib 
ketmasligi  uchun  uning  yuqori  uchini  birikishga  majbur  qiladi.  Birikishi  uning 
yo`lini  unga  to`nkariluvchi  tog’ay  va  otsiz  tog’ayning  qoplab  olishi  bilan  bo`ladi. 
Yutish va qusish o`sha yo`l og’zini birikishga majbur qiladigan bo`lgach, nafas olish 
paytida u ikkala ishning ham bo`lishi mumkin  emas. 
       Tovush chiqarish uchun "surnay tili" deb ataladigan narsa yaratilgan. Uning 
oldida  o`pka  nayining  uchi  torayib,  keyin  u  hiqildoqqa  borib  kengayadi,  so`ngra 
yana  toraya  boshlab,  keyin  surnaydagi  kabi  keng  bo`shliqqa  o`tadi.  Albatta  tovush 

---

246 
 
to`xtalib chiqadigan joy tor bo`lishi kerak. Surnay tiliga o`xshash shu  jismning ishi 
tovush urilib chiqishi uchun yopilib va ochilib turishdan iboratdir. 
       O`pka  nayi  ichki  pardasining  pishiq  qilib  tuzilganligi  nazlalar,  yomon 
tupuklar  va  yurakdan  haydalgan  tutunsimon  bug’larning  o`tkirligiga  chidamli 
bo`lishi  va  tovushning  urilishi  sababli  bo`shashmasligini  ta`minlaydi.  O`pka 
nayining  dastlab  ikkiga  bo`linishi  esa  o`pkaning  ikki  bo`lakligi  uchundir.  Venalar 
bilan birgalikda shaxobchalanishi ulardan oziq olishi uchun, shaxobchalar og’zining 
tor qilinganligi esa yurakka boradigan arteriyalarga ular orqali mayin sovuq yelning 
o`ta olishi va ularga qon kirib ketmasligi uchundir. Shaxobchalarga qon kirib ketsa, 
qon tuflash paydo bo`ladi. 
        Hiqildoq - bu tovushning tugal paydo bo`lishi va nafasning saqlanib turishi 
uchun  xizmat  qiladigan  bir  a`zodir.  Uning  ichkarisida  surnay  tiliga  o`xshash  bir 
narsa  bor.  Tanglayning  ro`parasidagi  qismi  surnay  uchini  berkitadigan  o`siqqa 
o`xshaydi va u bilan tovush paydo bo`ladi. 
         Hiqildoq o`pka nayi bilan birgalikda qizilo`ngachga shunday bog’langanki, 
qizilo`ngach  yutimni,  luqmani  tortish  uchun  ichkariga  harakat  qilsa,  hiqildoq 
yuqoriga  ko`tarilib  bekiladi,  shunday  tog’aylar  bir-biriga  zichlashadi,  pardalar  va 
mushaklar  esa  tortishadi.  Ovqat  qizilo`ngachga  ro`para  bo`lgach,  o`pka  nayining 
og’zi  va  hiqildoq  yuqori  tomondan  tanglayga  yopishib  oladi  va  qizilo`ngachga 
kiradigan narsa o`pka nayiga kirishi mumkin bo`lmaydi. Natijada ovqat va ichimlik 
o`pka  nayiga  tushmasdan,  ular  qizilo`ngachga  o`tib  ketadi.  Lekin,  ba`zi  vaqtlarda 
shu    harakat  tugal  bo`lishidan  ilgari  kishi  yutishga  shoshiladi  yoki  ovqatning 
qizilo`ngach  tomoniga  harakati  betartib  bo`lib,  o`pka  nayiga  qisman  kirib  ketadi, 
shunda organizm tinmay yo`talib, uni haydashga intiladi.  
        O`pka  bir  necha  bo`laklardan  tuzilgan.  Bo`laklarning  biri  o`pka  nayining 
shaxobchalari,  ikkinchisi  venasimon  arteriyaning  shaxobchalari,  uchinchisi  esa 
arteriyasimon  venaning  shaxobchalaridir.  U  shaxobchalarni  zarurat  yuzasidan  eng 

---

247 
 
suyuq va eng latif qondan yaratgan, bir qadar bo`sh, g’ovak va orasiga havo kirgan  
alveolalar,  ya`ni  o`pka  alveolalarini  yig’ib  turadi.  O`pkaning  ozig’i  ham  shu    xil 
qondan bo`ladi. O`pka eti ko`p teshiklik bo`lib, rangi oqimtirdir. O`pkada havoning 
ko`proq joylashishi, yetilishi va chiqindilarning chiqib ketish uchun u g’ovak qilib 
yaratilgan;  jigar  ham  ovqatlik  moddalarga  nisbatan  shunday  yaratilgan.  O`pka  ikki 
bo`lak  bo`lib,  biri  o`ng  tomonda  ikkinchisi  chap  tomonga  joylashgan,  chapdagisi 
ikki shaxobchali, o`ng bo`lagi uch shaxobchalidir. 
         Umuman  o`pkaning  foydasi  havoni  tortish,  havoni  tortishning  foydasi 
yurak  uchun  tomir  urishining  bitta  urishiga  kerak  bo`ladiganidan  ko`ra  ko`proq 
havoni  tayyorlashdir.  Bunday  tayyorlab  qo`yishning  foydasi  esa,  hayvonni  suvga 
sho`ng’igan  paytida  yoki  uzun  va  tutash  tovush  chiqarish  bilan  ovora  bo`lib,  havo 
ololmay  turgan  paytida,  yoki  jirkantiradigan  hidlar  va  boshqa  hollar  va  sabablar 
tufayli  havoni  ichga  tortishdan  jirkanish  paytida  yurak  o`ziga  oladigan  tayyor 
havoning  mavjud  bo`lib  turishidir.  Bu  tayyorlangan  havoning  foydasi  o`zining 
mayin  esishi  bilan  yurakning  issig’ini  mo`tadil  qilishi  va  o`z  mizojidagi  qolib 
moddasi bilan ruhga yordam berishidan iboratdir. Biroq, ba`zilar gumon qilganidek, 
faqatgina havoning o`zi ruhga aylanmaydi, shuningdek, faqatgina suv biror  a`zoda 
oziq  bo`lmaydi.  Lekin,  ularning  har  biri  yo  oziqning  bo`lagi,  yoki  yo`l  boshlab 
o`tkazuvchisi bo`ladi, suv badanga oziq bo`ladi, havo esa ruhga oziq bo`ladi. Badan 
va  ruh  ozig’i  bilan  bularning  har  biri  sodda  jism  bo`lmay,  murakkabdir.  Ruhning 
tutunsimon bo`lib qolgan qismi, ya`ni uning kuygan chiqindisini chiqarib turishdagi 
foyda,  o`pkani  bo`shatib  o`rniga  sovuq  havoni  kiritishdadir.  Chunki  tortilgan 
burungi havo albatta isib ketib , ruhni mo`tadil qilishga uning foydasi tegmaydi. 
        Tomirlar  va  o`pka  nayining  o`pkada  shaxobchalanishidagi  foydaga  kelsak, 
o`pka  nayi  va  venasimon  arteriya  nafas  ishini  bajarishda  hamkor    bo`ladi.  
Venasimon arteriya va arteriyasimon vena  esa o`pkani yurakdan keladigan yetilgan 
tiniq  shirin  qon  bilan  oziqlantirishda  hamkor  bo`ladi.  O`pka  etining      foydasi   

---

248 
 
oraliqni mahkamlash va shaxobchalarni yig’ib turishdan iborat, uning g’ovakligi esa 
havoni  tortishga  qobiliyatli  bo`lishi  uchundir,  chunki  havo  faqatgina  o`pka  nayiga 
o`tibgina qolmay, balki uning bir miqdori o`pka tanasiga ham o`tadi, g’ovaklik  ko`p  
havo  olishga  imkoniyat beradi, hamda yig’ilish sababli havoni haydab chiqarishga 
yordam  beradi.  Demak,  o`pka  eti  yig’ilish  va  yoyilish  harakatlariga  qobiliyatli 
bo`ladi,  shuning  uchun  o`pka  dam  bilan  yorilmaydi.  O`pka  etining  oqimtirligi  u 
oziqlanadigan narsada havoning ko`pligi va unda havoning ko`p aylanishidan keladi. 
Ikkala bo`lagining biriga zarar yetishi sababli nafas olish to`xtalib qolmasligi uchun 
o`pka    ikkiga    bo`lingandir.  Xuddi  shu    sababga  ko`ra,  har  bir  bo`lagi  ham  ikkiga 
bo`linadi.  O`ng  tomonda  bo`ladigan  uchinchi  bo`lagi  esa  kovak  deb  ataladigan  
tomir uchun  yotar o`rin bo`lib, nafas olish uchun uning ko`pda foydasi yo`q. Yurak 
chapga  bir  oz  moyil  bo`lganidan  ko`krakning  chap  tomonini  egallaydi,  o`ng 
tomonida  shunday  narsa  bo`lmagach,  ko`krakning  o`ng  tomonida  tomirlarga  yotar 
joy bo`ladigan o`pka o`sig’ining turishi yaxshi va kerakli topildi. 
        O`pkani  asabli  parda  o`rab  turadi.  Bu  to`qnashuvchi  narsani  sezish 
uchundir.  Parda  o`pka  tanasiga  kirishgan  bo`lmasa  ham,  uni  qoplab  turadi.  Yana 
o`pkaning o`zi yumshoqligi sababli yurak  uchun   yotish   va   saqlanish   joyidir.  
Ko`krak  ikkita  bo`shliqqa  bo`lingan.  Bo`shliqlar  orasini  ko`krak  suyagi  o`rtasidan 
chiqqan  parda ajratib  turadi. Ikkala  bo`shliqning  biridan ikkinchisiga  yo`l  yo`q. Bu 
parda  haqiqatda  ikkitadir.  Bu  parda  orqadan  umurtqalarga,  yuqoridan  esa  ikki 
o`mrov  suyaklarining  bir-biriga  uchrashgan  joyiga  tutashadi.  Bu  ikki  pardaning 
yaratilishidan  maqsad  ko`krakning  ikki  qismga  ega  bo`lishi  uchundir.  Qismlarning 
biriga  zarar  etsa,  nafas  olish  ishlarini    ikkinchisi  bajaradi.  Qizilo`ngach,  o`pka  va 
ko`krak a`zolarini bir-biri bilan bog’lash o`sha ikki pardaning foydalaridandir. 
           Ko`krak-qorin  to`sig’i  mushaklarining  biridir.  U  uch  qatlamdan  iborat 
bo`lib,  ularning  o`rtadagisi  uning  ishini  bajarilishiga  vosita  bo`ladigan  payning 
o`zidir. Uning yuqorisidagi qatlam ko`krak ichkarisiga yoyilgan pardalar uchun asos 

---

249 
 
va  o`tirg’ich  kabidir.  Quyi  qatlam  esa,  qorin  ichidagi  a`zolarning  yupqa  pardalari 
uchun  shu    vazifani  bajaradi.  Ko`krak-qorin  to`sig’ida  ikkita  teshik  bor.  Ularning 
kattasi  qizilo`ngach  va  katta  arteriya  uchun  yo`l  bo`lib,  kichigidan  esa  akxal  deb 
ataladigan vena o`tadi. Bu vena ko`krak-qorin to`sig’iga qattiq bog’lanib birikkan.