Farmon Ergashovich Nurboeyv, Shahlo Shavkatovna Tillоeva, Dilbar Baxriddinovna Raxmatova

Mavzu savollari 
7.Quloq xastaliklari tasnifi. 
8.Quloqning tug’ma xastaliklari. (samam, tarsh, vakr haqida) 
9.Quloq bitishi. Sababi, davolash.  
10.Karlik.Sababi, davolash 
11.Burun xastaliklari haqida tushuncha 
12.Tumov va nazla haqida tushuncha va ular orasidagi farq .Davolash 
4.5. §.Og’iz bo`shlii a`zolari va til kasalliklarini  sharqona usulda 
tashxislash va davolash                                     
Og’iz va tilning anatomiyasi 
Og’iz  quyi  bo`shilqqa  ovqatni  yetkazish  uchun  eng  kerakli,  yuqori  bo`shliqqa 
havo  yetkazishda  hamkor  va  me`da  og’zida  yig’ilib  qolib,  quyiga  haydalishi  qiyin 
yoki mashaqqatli bo`lgan chiqindilarni chiqarib tashlashda foydali bir a`zodir. Og’iz 
insonda so`zlash a`zolari uchun, boshqa hayvonlarda esa tovush a`zolari uchun havo 
chiqarish  orqali  ovoz  chiqaradigan,  umumiy  bir  bo`shliq  vazifasini  bajaradi.  Til 
og’izdagi  bir  a`zo  bo`lib,  chaynalgan  narsani  og’izda  aylantirish,  tovushni  bo`lib 
ajratish  va  harflarni  chiqarish  quroli  hisoblanadi.  Mazani  ajratish  xususiyati  ham 
tilga  tegishlidir.  Til  osti  sathining  terisi    qizilo`ngach  terisiga  va  me`daning  ichki 
tomoniga  tutashgan.  Tanglay  terisi  esa,  o`qsimon  chok  ro`parasida  ikki  barobar 
qismga bo`lingan. U ikkala bo`lak o`rtasida boylog’lar va birikish sababli hamkorlik 
bor.  Tilni  harakat  qildiruvchi  va  harakatdan  to`xtatuvchi  mushaklar  mavjud. 

---

205 
 
Yaxshilab  so`zlashga  eng  qobiliyatli  til  uzun  va  kengligi  mo`tadil  bo`lib,  uchi 
ingichka bo`lgan tildir. Agar til juda katta va keng yoki tortishganga o`xshash kichik 
bo`lsa,  unday  til  egasi  so`zlashga  qodir  bo`lmaydi.  Tilning  moddasi  g’ovak  va  oq 
etdan  iborat  bo`lib,  unda  mayda  va  ichkariga  botgan  qon  tomirlar  joylashgan.  Shu  
tomirlar sababli tilning rangi qizil bo`ladi. U tomirlarning ba`zisi arteriya va ba`zisi 
venadan  iboratdir.  Tilda  o`ziga  kelgan  to`rtta  asabdan  shaxobcha  bo`lib  chiqadigan  
ko`p  asablar  bor.  Tilning  tagida  surma  cho`pi  sig’adigan  ikkita  teshik  bor.  U 
teshiklar so`lak qaynab chiqadigan o`rin bo`lib, tilning ildizida joylashgan va "so`lak 
ishlab  chiqaruvchi"  deb  ataladigan  etga    borib  yetadi.  Bu  ikkala  teshikni  "so`lak 
to`kuvchilar" deb ham ataydilar, ular tilni va til ustini qoplab butun og’iz pardasiga, 
qizilo`ngach  va  me`daga  tutashgan  pardaning  namligini  saqlab  turadilar.  Tilning 
tagida suradayn  deb ataladigan ikkita katta ko`k tomir bo`lib, ulardan ko`p tomirlar 
ajralib chiqadi.