Farmokognoziya oxiri p65

Kimyoviy tarkibi.
Malla angishvonagul bargida 1% gacha yu-
rak glikozidlari uchraydi. Glikozidlar yig‘indisidan digilanid A,
digilanid  va boshqa glikozidlar ajratib olingan. Bulardan
tashqari, barg va urug‘ tarkibida steroid saponinlar bo‘ladi.
Dorivor preparatlari.
Digalen neo (suyuq holdagi yangi
Galen preparati, shisha idishdagisi ichiladi, ampuladagisi teri
ostiga yuboriladi).
STROFANT URUG‘I – SEMINA STROPHANTHI
O‘simlikning nomi.
Kombe strofanti — Strophanthus kombe
Oliv., kendirdoshlar — Apocynaceae oilasiga kiradi (49-rangli
rasm).
Ko‘p yillik liana o‘simligi bo‘lib, bargi tuxumsimon, ser-
tuk, o‘tkir uchli, bandi bilan poyada qarama-qarshi o‘rnash-
gan. Gullari yarimsoyabonga to‘plangan. Gulkosachasi chuqur 5

---

219
ga qirqiladi, tojbargi 5 ta bo‘lib, ustki tomoni oq, ichi esa sariq.
Har qaysi tojbargning uchki qismida osilgan, uzun, buralgan
iðchalari bo‘ladi. Otaligi 5 ta, onalik tuguni pastda joylashgan.
Mevasi — ikki bo‘lakli, to‘q qo‘ng‘irrangli, bir xonali, ko‘p
urug‘li, 1 m uzunlikdagi pishganda ochiladigan bargcha.
Geografik tarqalishi.
Sharqiy Afrikaning nam tropik o‘r-
monlarida o‘sadi. Nam tropik iqlimli mamlakatlarda plantatsi-
yalari tashkil etilgan. Asosan Kamerunda o‘stiriladi.
Mahsulotning tashqi ko‘rinishi. 
Tayyor mahsulot cho‘ziq
va uzun, yassi, yuqori uchi o‘tkir, uchma o‘qqa aylangan,
pastki uchi esa to‘mtoq urug‘dan iborat. Urug‘ uchmasi asos
qismidan sinib ketgan bo‘ladi. Urug‘ kumushrang yoki ya-
shil-kulrang tusli, uchma tomonga yo‘nalgan iðaksimon, yo-
pishgan tuklar bilan qoplangan bo‘lib, uzunligi 12—18 mm,
eni 3—6 mm. Urug‘ning yassi tomonida uchmaning asos
qismidan boshlab 2/3 qismigacha o‘rnashgan choklar ko‘rinadi.
Urug‘ yumshoq bo‘lib, uni barmoq orasida ezish mumkin.
Yomon saqlanishi natijasida tuklari tushib ketgan mahsulotning
rangi sariq-qo‘ng‘ir yoki och jigarrang bo‘ladi. Issiq suvda
namlangan urug‘ osongina ikkita urug‘ pallasiga ajraladi.
Mahsulot hidsiz, juda achchiq.