Farmatsevtik yordam fanidan

II 
Amaliy mashg‘ulotlari materiallari…………………………….…. 
146 
III 
Mustaqil ta’lim mavzulari…………………………………………………….
 
200 
IV 
Glossariy…………………………………………………………….…………. 
203 
V 
Testlar……………………………………………………………….…………. 
206 
VI. 
Namunaviy dastur 
217 
VII. 
Ishchi dastur…………………………………………………………. 
226 
VIII. Foydalanilgan adabiyotlar ro‘yxati……………………………………… 
240 
 

---

5 
KIRISH 
 
 
Hozirgi zamon Fan va texnikasining rivojlanishi bemorlar qabul qiladigan turli xil dori 
moddalarining o‘ziga xos, orginal dori shakllarini yuzaga keltirmoqda. Dorixonadagi dori 
moddalarining 75 % dan ortig‘ini tayyor dori turlari tashkil etadi. Bemorlarning ko‘pchiligi 
shifokorlarga emas, balki to‘g‘ridan-to‘g‘ri farmatsevtlarga murojaat qiladilar. Shuning 
uchun ham farmatsevtlarni turli xil kasalliklarning asosiy simptom va sindromlari bilan 
tanishtirish, dori vositalaridan samarali foydalanish, zarurat tug‘ilganda ma’lum bir preparat 
o‘rnini bosuvchi boshqa preparatni tavsiya etish, dorilarni kombinirlangan holda 
ishlatilganda yuzaga keluvchi holatlar haqida ma’lumotlar bilan tanishtirish lozim.
Yosh mutaxassislarga har bir sohada chuqur va keng qamrovli ma'lumot berish, ularga 
berilgan bilim ishlab chiqarishda va jamiyatda o'z aksini va dolzarbligini yo'qotmaydigan 
bo'lishiga va ularning bilim darajalari dunyo ta'lim standartlari qo'ygan talabga javob 
berishiga asosiy ahamiyat qaratilmoqda. Zamonaviy hayotdagi ishlab chiqarish 
samaradorligini etuk kadrlarsiz tasavvur etish mumkin emas. Har sohada inson omili, uning 
qadr-qimmati birinchi o'ringa qo'yilib ish tashkil etilgan joyda yutuqlar barqaror bo'lishi 
shubhasiz. Inson tug'ilishi bilan yashash, erkinlik va baxtga intilish huquqiga ega bo'ladi. 
Inson o'zining yashash, dam olish, sog'ligi haqida qayg'urish, qulay atrof-muhit, xavfsizlik 
va gigiena talablariga javob beradigan mehnat sharoitida ishlashga bo'lgan xuquqlarini 
hayot faoliyati jarayonida amalga oshiradi. Uning bu huquqlari O'zbekiston Respublikasi 
Konstitutsiyasida kafolatlangan. farmatsevtlar asosiy fanlar bo‘yicha etarli ma’lumotga ega 
bo‘lishlari, bilimlarini oshirib borishlari va undan foydalangan holda dorilarni samarali 
ishlatishlari lozim bo‘ladi.
Rivojlanib kelayotgan davlatlarda dori moddalarining samarasiga oid barcha 
javobgarlik farmatsevtlarga yuklanadi. Dorixona amaliyotining asosiy vazifasi aholini 
samarali DMlari bilan, tibbiy asbob-uskunalar bilan ta’minlash va ularni qo‘llashda yordam
berishdir. Bemorlarga optimal terapevtik yordam berish va ularni turli xil nojo‘ya 
ta’sirlardan himoya qilishda berilayotgan DMlarning sifati katta rol o‘ynaydi.
Yuqorida qayd etilgan vazifalarni oqilona va ratsional darajada yuzaga chiqarish uchun 
farmatsevtlar klinik farmatsiya va farmakokinetika fanlar asoslarini yaxshi o‘zlashtirishlari 
lozim. Xozirgi kun farmatsevtlarni shunday tarbiyalash kerakki, ular asosiy kasalliklarning 
ma’lum simptomlari yuzaga chiqqanda ularga retseptsiz dorilar bilan davolash uchun 
kerakli va ratsional maslaxatlarni bera oladigan,va shunga o‘xshash boshqa simptomlari bor 
bemorlarni vrachga murojaat qilishlari kerakligini o‘qtirib utadigan darajada bo‘lishlari 
kerak. SHu nuqtai-nazardan «Farmatsevtik yordam» fanini uquv rejasiga kiritilishi va uni 
asosiy vazifalarini chuqur o‘rganish o‘ta muxim vazifadir. 
Ushbu majmua chet el adabiyotlaridan foydalanilgan holda tuzib chiqildi. 

---

6