Farmatsevtik yordam fanidan

Yog‘li seboreya. 
Seboreyaning bu shakli odam organizmida an-drogenlarning ko‘payib ketishi bilan bog‘liq, bunda 
teri yog‘lab qo‘yilgandek bo‘lib, yaltirab turadi, yog‘ bezlarining og‘zi yog‘ tiqinlari bilan to‘lib, 
moy surtib qo‘yilganni eslatadi. Sochlar moylangandek bir-biri bilan yopishib turadi, keyinchalik 
sochlar to‘kila boshlaydi, bu erkaklarda tepakal paydo bo‘lishiga va ayollarda sochning xiyla 
siyraklashib qolishiga olib keladi. Boshning sochli qismida kulrang-jigarrang tangachalar ko‘zga 
tashlanadi. Bunday terida seboreyali ekzema, ateroma, alopetsiya, xusnbuzarlar rivojlanishi 
mumkin. Teridagi biokimyoviy jarayonlarning buzilishi oqibatida uning rN mu^iti o‘zgaradi va 
yiringli kasalliklar avj oladi. 
Suyuq yog‘li seboreyada teridagi moy , muguz qavat tangachalari bilan aralash bo‘ladi.
Quruq seboreya. 
Teridagi yog‘ bezlaridan yog kam ajralishi natijasida kelib chiqadi. Bunda teri qurib, po‘st 
tashlaydi, boshda mayda kepaksimon tangachalar (qazg‘oq) yig‘iladi. So-chlar xiralashib, mo‘rt, tez 
to‘kiladigan bo‘lib qoladi. Seboreyaning har ikki xilida ham bosh qichiydi.
Seboreyaning 
aralash shakli 
yog‘li va quruq seboreyaning qo‘shma belgilaridan iborat bo‘ladi; 
bunda yog‘li seboreya simptomlari ko‘pincha boshning sochli qismi va yuzda kuzatilsa, quruq 
seboreya ko‘krak va orqada ko‘riladi.
Davoni umumiy amaliyot shifokori dermatolog maslahatidan keyin olib boradi.
Birinchi galda seboreyaning avj olishiga ta’sir ko‘rsatadigan omillar va yo‘ldosh kasalliklarni 
bartaraf etish kerak.
Vitamin A,E,S va V guruhiga mansub (V1,V2,V6,V12) preparatlarni qo‘llash yaxshi natija beradi.
Bemorga gormonal preparatlar (pregnin, ti-reodin va boshqalar) tavsiya qilishda uning gormonal 
fonini inobatga olish zarur.
Trankvilizatorlar (seduksen, ele-nium) magniy sulfat in’eksiyasi buyuriladi.
Oddiy husnbuzar. 
Yog‘ bezlari faoliyatining buzilishi tufayli teriga turli xil toshmalar toshadi.
Klinikasi. Toshmalar asosan yuz, ko‘krak va gardon terisiga toshadi. YOg‘ sekretining teri 
ichida turib qolishi piokokkli kasalliklarning rivojlanishi uchun qulay sharo-it tug‘diradi. 

---

90 
Dastlab tugunchalar, so‘ngra pustulalar yuzaga keladi. Pustulalarning qo‘shilishi va terining chuqur 
qavat-lariga tarqalishi infiltrat va abssesslar paydo bo‘lishi-ga olib keladi, ular teshilib yiring oqishi 
va chandiq xosil qilib bitishi mumkin.
Davosi-kasallik avj olgan davrida antibiotiklar (tetratsiklin, eritromitsin, sefamizin va boshqa-lar) 
qo‘llaniladi. Stafilokokkli anatoksin, antistafilokokkli gammaglobulin, autogemoterapiya 
buyuriladi.
Vitaminlar (V1,V6,V12,E,A,S) bilan davolash,
Parhezga rioya qilish, ichki a’zolar kasalliklarini bartaraf etish maqsadga muvofiq. 
Mahalliy davo sifatida kuriozin, salitsil kislotasi, re-zorsin, levomitsetindan iborat spirtli eritmalar, 
antibiotikli malhamlar, kriomassaj, elektrokoagulyasiya va boshqalardan keng foydalaniladi. 
Husnbuzarning og‘irroq shakllarini (abssessli) davolashda antiandrogen ta’sir etuvchi skinoren, 
diana va aromatik retinoid - roakkutan preparatlari qo‘llaniladi.