Farmatsevtik kimyo

27. Mavzu. Atropanning tibbiyotda ishlatiladigan xosilalari 

Reja: 

1. Atropan hosilalari tahlili 

2. Sifatiga qo‘yiladigan talablar  

3. Atropan hosilalari ishlatilishi. 

 

Tayanch iboralar: Atropan hosilalari, skopolamin gidrobromid, atropin sulfat, tropafen. 

 

Tropan hosilalariga tabiiy alkaloidlardan atropin, skopolamin, kokain hamda atropinning yarim 

sintetik o‘xshashlaridan (analoglaridan) gomatropin, tropatsin va tropafenlar kiradi. Ularning kimyoviy 

tuzilishi asosini ikki tutash, besh a’zoli pirrolidin va piperidin halqalaridan iborat kondensirlangan 

bitsiklik sistema tropan tashkil qiladi. 

 

Tropan xalkasining markazidagi uchlamchi azot va u bilan bog‘langan birinchi va beshinchi 

holatdagi uglerod atomlari pirrolidin va piperidin halkalari uchun umumiydir.  

---

Pharmaceutical chemistry  

Autors:  Juraeva A.A., Muhitdinova K.Sh., Zaripova N.T.  R.A.Xusainova, A.D.Tashpulatova 

 

300 

 

Tropan alkaloidlarini ularning kimyoviy tuzilishlariga ko‘ra uch guruhga bo‘lish mumkin. 

Birinchi guruhga molekulasi bitsiklik ikkilamchi aminospirt tropindan tashkil topgan, atropin va 

uning sintetik analoglaridan, gomatropin, tropatsin va tropafenlar kiradi. Ikkinchi guruh 

skopolamin alkaloididan tashkil topgan bo‘lib, uning asosi bitsiklik aminospirt skopindan iborat, 

uchinchi guruhning molekula tuzilishi asosiga esa bitsiklik aminospirt ekgonin saklovchi kokain 

kiradi. 

 

 

Tropan alkaloidlari va uning sintetik analoglari kimyoviy tuzilishi jihatidan murakkab 

efirlardir. 

Masalan, atropin, tropin, skopolamin esa skopin aminospirtlari bilan trop kislotalarining o‘zaro 

birikishidan tashkil topgan murakkab efirdir. Kokain»alkaloidida aminospirt metil ekgogin, benzoat 

kislota qoldig‘i bilan efirsimon birikkan bo‘ladi. 

Atropinning sintetik analoglari gomatropin, tropatsin va tropafenlarning ham asosini 

bitsiklik aminospirt tropin tashkil qilib, gomatropin bodom, tropatsin difenilatsetat, tropafen esa a-

fenil-(3- (p- atsetofenil)-propion kislota qoldiklari bilan efirsimon birikkan bo‘ladi. 

 

 

 

 

---

Pharmaceutical chemistry  

Autors:  Juraeva A.A., Muhitdinova K.Sh., Zaripova N.T.  R.A.Xusainova, A.D.Tashpulatova 

 

301 

 

 

Tropan alkaloidlari asosan ituzumlar (Solanacea) oilasiga mansub belladonna (Atropa 

belladonna), turli xil skopoliya (Scopolia), mingdevona (Hyoscyamus niger), bangidevona (Datura 

stramonium) shuningdek Erythexylaceae oilasiga kiruvchi koka butasi (Erythexylaceae  sosa) 

o‘simliklarida uchraydi. 

Atropin skopoliya o‘simligining ildizi va bangidevona o‘simligining bargida ko‘p miqdorda 

bo‘ladi.