Farmasevtikada boshqaruv fanidan o‘quv-uslubiy majmua

MAVZU

FARMASEVTIKADA KADRLAR BOSHQARUVI


Reja:

1. 
   Farmasevtik tashkilotlarda mehnat resurslarini boshqarish.
   
2. 
   Boshqaruv madaniyati va rahbarlik uslublarini mohiyati
   
3. 
   Boshqaruvchiga qo‘yiladigan talablar
   
4. 
   Farmasevtik tashkilotlar boshqaruvida liderlik
   
5. 
   Kadrlar boshqaruvi va xodimlarni boshqarish tizimi.
   
6. 
   Xodimlarni boshqarish tizimining ob’ekti sifatida farmasevtik tashkilotning xodimlari va ularning tasniflanishi.
   
7. 
   Boshqarish faoliyatida kadrlar bilan ishlash yo‘nalishlari.
   
8. 
   Xodimlarni rejalashtirish.
   
9. 
   Lavozimlarga yangi xodimlarni tanlash.
   
10. 
    Xodimlarni joy-joyiga qo‘yish. Kadrlar rezervini shakllantirish.
    
11. 
    Xodimlarni baholash.
    
12. 
    Farmasevt xodimlar attestatsiyasi.
    
13. 
    Xodimlarni o‘qitish, qayta tayyorlash va malakasini oshirish.
    
14. 
    Xodimlarni boshqarish samaradorligiga erishish yo‘llari.
    

Tayanch iboralar: korxona falsafasi, inson resurslari, kadrlar rezervi, attestatsiya, oliy malakali toifa
Farmasevtik tashkilotlarda mehnat resurslarini boshqarish.
Farmasevtika tashkilotida hodimlarni boshqarish asosi bo‘lgan kadrlar boshqaruvi umumiy boshqaruvning eng muhim tarkibiy kismlaridan biridir. “Kadrlar boshqaruvi” boshqaruv fanining tarkibiy bo‘limi bo‘lib, hozirgi paytda alohida mustaqil fan sifatida shakllandi.
Kadrlar boshqaruvi fani korxona faoliyatining samarali bo‘lishi uchun xodimlar bilan ishlash tizimini, bu ishni tashkil etish usullarini, xodimlarning motivatsiyasi kabi muammolarni o‘rganadi.
Zamonaviy boshqaruv amaliyotida xodim va uni boshqarish muammosiga ikki hil yondashuv mavjud:

• 
  inson resurslarini boshqarish;
  
• 
  kadrlar boshqaruvi (xodimlarni boshqarish).
  

“Inson resurslarini boshqarish” tushunchasi boshqarishning strategik jixatlarini, shuningdek, ijtimoiy rivojlanish masalalarini o‘z ichiga oladi va ularga ustuvorlik beriladi⁴.
“Kadrlar boshqaruvi” tushunchasi esa ko‘proq xodimlar boshqaruvi bilan bog‘liq operativ (tezkor) faoliyatni anglatadi. Agar birinchi yondashuv davlat miqyosida bandlik va uni muvofiqlashtirish vazifalaridan kelib chiqsa, ikkinchi yondashuv bevosita korxona darajasidagi mehnat munosabatlari va ularni muvofiqlashtirish bilan bog‘liq.
Inson resurslarini boshqarishdagi faoliyat turlari

Faoliyat sohasi	Nimaga ustuvorlik beriladi	Qanday funksiyalar bajariladi	Bajarilishi to‘g‘risida kimga ma’lumot beriladi
Inson resurslarini boshqarish (strategik yondashuv)	mutlaq yangi vazifalarni yechishga global, uzoq muddatli vazifalarni yechishga	Inson resurslarini rejalashtirish shaxsiy qobiliyat va malakani oshirish korxonaning xodimla-riga sarflanadigan xarajatlarini rejalashtirish	Korxona raxbari
Kadrlar boshqaruvi(operativ faoliyat)	ma’muriy aralashuvga zaruriyat tug‘iladigan kundalik muammolarni yechishga	kadrlarni tanlash va joy-joyiga qo‘yish; mehnat motivatsiyasini boshqarish; texnika xavfsizligini nazorat qilish; nizolarni hal etish.	Korxona rahbarining o‘rinbosari

Iboralarning turlicha ma’no kasb etishi faoliyat turlari, yo‘nalishi va korxonadagi ish xajmiga bog‘liq. Masalan, “xodim” iborasi kichik korxonalarga, “inson resurslari” iborasi esa yirik korxonalarga nisbatan qo‘llanadi.

Kadrlar boshqaruvining asosiy funksiyalariga quyidagilar kiradi:

• 
  tashkilotni kadrlar bilan ta’minlash;
  
• 
  mehnat munosabatlarini shakllantirish, muqobil va xavfsiz mehnat sharoitlarini yaratish;
  
• 
  tashkilot xodimlarining malakasini oshirish;
  
• 
  xodimlarni baholash va samarali faoliyatni motivatsiyalash;
  
• 
  jamoadagi ziddiyat va nizolarning oldini olish, uni aniqlash va bartaraf qilish.
  

Mazkur funksiyalar tashkilotda shakllangan hodimlarni boshqarish tizimi asosida amalga oshiriladi.