Farmakologiya

Davo yoki terapevtik  doza  deb, dori vositasining shunday
eng kichik miqdoriga aytiladiki, uni qo‘llanilganda foydali ijobiy
ta’sir – davo ko‘rsatadi. U dorining zaharli dozasidan kamroq
bo‘lib, bemorni davolashda va kasallikning oldini olish maqsa-
dida tibbiyotda keng ko‘lamda ishlatiladi. Òerapevtik dozaning
quyidagi turlari tafovut etiladi:
 eng yuqori (maksimal) bir martalik terapevtik doza;
 eng yuqori (maksimal) bir kecha-kunduzlik (sutkalik)
terapevtik doza;
 o‘rtacha bir martalik terapevtik doza;
 o‘rtacha bir kecha-kunduzlik (sutkalik) terapevtik doza;
 eng kichik (minimal) bir-kecha kunduzlik (sutkalik) tera-
pevtik doza.
Ko‘pchilik dori vositalarining bir martalik va sutkalik maksi-
mal terapevtik dozasi Davlat farmakopeyasida va boshqa ko‘rsat-
malar, ma’lumotnomalarda berilgan bo‘lib, o‘rtacha terapevtik
doza esa uning 1/2, 1/3, 1/4 qismini tashkil etadi.
Mavjud dori vositalari kasallikning oldini olish va davolash
maqsadida, asosan, o‘rtacha davolash dozasida ishlatilishi shart.
Masalan, Farmakopeya bo‘yicha belladonna ekstraktining bir
martalik maksimal terapevtik dozasi 0,015 g ga, bir sutkaligi esa
0,045 g ga teng bo‘ladi. Dori preparatlari maksimal terapevtik
dozada deyarli ishlatilmaydi. Lekin ayrim holatlarda kasallikning
kechishi, dorining ta’sir qilish mexanizmi va boshqa sabablar
inobatga olinib, qo‘llanilishi mumkin. Ayniqsa, mikroblarga qarshi
ishlatiladigan (sulfanilamidlar, antibiotiklar) dorilarni berishda
ularning maksimal dozasidan foydalaniladi. Dorilarning minimal
terapevtik dozasida ishlatilishi kamroq uchraydi. Ko‘pincha dori
vositasining o‘rtacha terapevtik dozasini qo‘llab ma’lum darajada
samara olingandan so‘ng, uni saqlab qolish maqsadida dorining
minimal dozasi berib turiladi (yurak glikozidlari,  gi potenziv
vositalar va b.)
Bundan asosiy maqsad — organizmning doriga sezuv-
chanligi kamayishi, doriga o‘rganib qolish va boshqa asoratlar-
ning oldini olishdir.

---

16