Farmakologiya

Bolalar uchun tayinlanadigan dozalarni aniqlash. Ma’lum-
ki, kasalliklarni davolashda va oldini olishda qo‘llaniladigan dori-
darmon vositalarining miqdorini (dozasini) aniqlashda, avvalo,
har bir bemor yoki shaxsga individual yondashish lozim.
Shundagina dori vositalaridan samarali foydalanish mumkin.
Ayniqsa, shifokor yosh bolalarning organizmi hali takomiliga
yetmaganligini hisobga olishi kerak. Masalan: ular uchun bir
martalik terapevtik doza quyidagicha aniqlanadi: ya’ni kattalar
dozasining:
1 yoshgacha — 1/12 qismi;
1 yoshda — 1/10 qismi;
2 yoshda — 1/8 qismi;
4 yoshda — 1/6 qismi;
6 yoshda — 1/4 qismi;
7 yoshda — 1/3 qismi;
17 yoshda — 1 qismi;
18 yoshda — 1 qismi qo‘llaniladi.
Shuningdek, agarda bemorning yoshi 60 dan oshgan
bo‘lsa, terapevtik dozaning 1/3 qismi yoki bemorning buyragi,
jigari oqsagan bo‘lsa 1/3 yoki 1/4 qismi buyuriladi.
Organizmga yuboriladigan yoki ishlatiladigan farmakologik
moddalarning va dori vositalarining dozasi quyidagi turlicha o‘l-
chov birliklarida ifodalanishi mumkin: quruq shakldagi modda-
lar: gramm — 1,0; detsigramm — 0,1; santigramm — 0,01;
milligramm —0,001; detsimilligramm — 0,0001; santimilli-
gramm — 0,00001; mikrogramm — 0,000001;