Farmakologiya

Atropin sulfat. Alkaloid belladonna, bangidevona, ming-
devona o‘simliklari tarkibida mavjud. Yuqorida bayon etilgani
kabi farmakologik ta’sirga ega. Ko‘z qorachig‘ini yaxshigina
kengaytiradi (midriaz), ko‘z ichki bosimini ko‘tarib, glaukoma
xurujiga sabab bo‘lishi mumkin, akkomodatsiyani falajlaydi.
Spazmolitik ta’siri va taxikardiya holati ancha sezilarli. Zahar-
langanda (dozani oshirib yuborish, atropin saqlagan o‘simlik-
lar — bangidevona va boshqalar iste’mol qilinganda) atro-
pinning periferik ta’siriga xos belgilardan tashqari, uning
markaziy nerv tizimiga qo‘zg‘atuvchi ta’siri ham seziladi, ya’ni
ruhiy qo‘zg‘alish, harakatchanlikning oshishi, gallutsinatsiya
holatlari bo‘lishi mumkin. Atropin oftalmologiya, jarrohlik,
rentgenologiya, terapiyada (bronxial astma, me’da-ichak
yarasida) va boshqa hollarda ko‘p ishlatiladi. Atropinning bun-
day ta’siri bir necha kun davom etadi. Odamda noqulay
holatlar (yorug‘da ko‘zi qorong‘ilashadigan, uzoqni ko‘rmay-
digan) bo‘ladi. Buni nazarda tutish lozim.