Фармацевтика таълим ва тадқИҚот институти “тасдиқлайман”

Tayyorlangan me’yoriy hujjatlarni tasdiqlash va rasmiylashtirish ishlari Farmakopeya qo‘mitasi prezidiumi xulosasi asosida olib boriladi.
Giyohvandlik vositalari nazorati qo‘mitasi
Giyohvandlik vositalari nazorati qo‘mitasi – giyohvandlik vositalari, psixotrop moddalar va prekorsorlar noqonuniy muomalasining oldini olish bo‘yicha faoliyat olib boruvchi O‘zbekiston Respublikasining vakolatli organi hisoblanadi.
Qo‘mitaning vazifalari:
– giyohvandlik vositalari, psixotrop moddalar, prekursorlarga oid me’yoriy hujjatlarni tayyorlashda ishtirok etadi;
– 1961, 1971 va 1988 yillardagi Birlashgan Millatlar Tashkiloti Konvensiyalari tavsiyanomalariga mos ravishda giyohvandlik vositalari, psixotrop moddalar, prekursorlar ro‘yxatini ko‘rib chiqishda qatnashadi;
– giyohvandlik vositalari, psixotrop moddalar va prekursorlarning qonuniy muomalasi ustidan nazorat qilishni ta’minlaydi;
– vazirliklar, tashkilotlar buyurtmalari asosidagi tibbiyot va ilmiy maqsadlarda foydalaniladigan giyohvandlik vositalari, psixotrop moddalar va prekursorlarni nazorat qiladi;
– giyohvandlik vositalari, psixotrop moddalar va prekursorlarni O‘zbekiston Respublikasiga olib kirish va Respublikadan olib chiqish bo‘yicha yuridik shaxslarning arizalarini ko‘rib chiqadi;
– giyohvandlik vositalari, psixotrop moddalar, prekursorlarni O‘zbekiston Respublikasiga olib kirish va Respublikadan olib chiqish huquqini beruvchi sertifikatlarni belgilangan tartibda rasmiylashtiradi;
– giyohvandlik vositalari, psixotrop moddalar, prekursorlar ekspertizasining yangi usullarini baholashda qatnashadi;
– O‘zbekiston Respublikasining giyoxvandlik vositalarga bo‘lgan ehtiyojni jamlaydi va BMTning giyohvandlar nazorati qo‘mitasiga kvota ajratishi uchun yuboriladi;
– BMTning giyohvandlik vositalari muomalasi bo‘yicha halqaro giyohvandlik nazorati qo‘mitasiga O‘zbekiston Respublikasi bo‘yicha hisobotlarni taqdim etadi.
Dori vositalarini ekspertizasi va standartlash Davlat markazi (DVE va SDM) Vazirlar Mahkamasining 1995 yil 25 maydagi 181-sonli qarorining ijrosi sifatida O‘zR SSVning 1995 yil 6 iyundagi 250-sonli buyrug‘iga binoan O‘zR SSV qoshidagi dori vositalarni standartlashtirish va sifatini nazorat qilish laboratoriyasi bazasida tashkil etilgan.
DVESDM asosiy vazifasi Respublikada ishlab chiqarilgan va import bo‘yicha keltirilayotgan dori vositalari, profilaktika, diagnostika vositalari va tibbiy texnika, tibbiyotda ishlatiladigan buyumlar va davolash-oziqlantirish mahsulotlarining sifatini davlat nazoratidan o‘tkazish, dori vositalarini standartlashtirish, sifatni nazorat qilish usullarini takomillashtirish, yangi usularni ishlab chiqish va, shuningdek, yangi dori vositalarini yaratish bo‘yicha ilmiy-tadqiqot ishlarini o‘tkazish.
DVESDM o‘z tarkibida quyidagi bo‘limlar mavjud:
– Dori vositalarini va sifat nazorati standartlashtirish laboratoriyasi;
– Farmako-toksikologik tadqiqotlar laboratoriyasi;
– Vaksina, zardob vositalari va mikrobiologik tadqiqotlar laboratoriyasi;
– Tibbiy texnika sifatini nazorat qilish laboratoriyasi;
– Ilmiy-uslubiy va axborot bo‘limi.