Farg‘ona viloyati maktabgacha ta'lim boshqarmasi rishton tuman maktabgacha ta'lim bo‘limi tasarrufidagi 8-davlat

FARG‘ONA VILOYATI MAKTABGACHA TA'LIM BOSHQARMASI RISHTON

TUMAN MAKTABGACHA TA'LIM BO‘LIMI TASARRUFIDAGI 8-DAVLAT
MAKTABGACHA TA'LIM TASHKILOTI USLUBCHISI ABDULHAMIDOVA MADINANING MAKTABGACHA
"DIDAKTIK O‘YINLAR" NOMLI USLUBIY QO‘LLANMASI

Ushbu uslubiy qo‘llanma O‘zbekiston Respublikasi Maktabgacha ta'lim Vazirligining ilk va maktabgacha yoshdagi bolalarning rivojlanishiga qo’yiladigan Davlat talablari va «Ilk qadam» Davlat o’quv dasturi asosida tayyorlandi.

Mazkur didaktik o‘yinlardan maktabgacha ta'lim tashkilotlarida kunlik faoliyat davomida, xususan frontal va markazlardagi faoliyatlarda foydalanish uchun tavsiya etiladi.
Taqrizchi: Xalilova Dilfuza - psixolog, FARDU pedagogika va psixologiya yo‘nalishi magistrani
Tuzuvchi: Abdulhamidova Madina - Rishton tuman Maktabgacha ta'lim bo‘limi tasarrufidagi 8-Davlat maktabgacha ta'lim tashkiloti uslubchisi

"ZINAMA-ZINA"

O‘yin nomi: "Zinama zina"
Maqsadi: Tarbiyalanuvchilarning nutqini rivojlantirish, so‘z boyligini oshirish, matematik tasavvurlarini mustahkamlash, mayda motorikani rivojlantirish, atrof olam haqida tasavvurlarini kengaytirish .
Resurs: Zinama - zina rasmli doskasi, rasmli lipuchkalar.
O‘yinning borishi: Dastlab tarbiyachi tomonidan yil fasllari,
ob-havo hamda hafta kunlari so‘raladi.Javob bergan tarbiyalanuvchilar tomonidan rasmli lipuchkalar doskaga joylashtiriladi.So‘ngra tarbiyalanuvchilar ikki guruhga bo‘linishadi va tarbiyachi tomonidan o‘yinning borishi tushuntiriladi.Unga ko‘ra birinchi guruh tarbiyalanuvchilari uy hayvonlari, ularning yashash joyi hamda ozuqasini, ikkinchi guruh tarbiyalanuvchilari esa yovvoyi hayvonlar, ularning yashash joyi hamda ozuqasi aks etgan rasmli lipuchkalarni ma‘lumot bergan holda munosib tarzda zinalarga joylashtiradilar.Shu tarzda zinama-zina ko‘tarilib, topshiriqni tez va xatosiz bajargan guruh ishtirokchilari g‘oliblik kubogiga ega bo‘ladilar.



"ЭСЛАБ ҚОЛАМИЗ" МЕТОДИКАСИ
Мақсад: Болаларнинг хотирасини, тасаввурини ва қўл моторикасини ривожлантириш.
Методика жиҳози: Предметларнинсми, оқ қоғоз ва қалам.
Методикани ўтказиш тартиби: Методикани 5-6 ёшдаги болалар билан олиб бориш мумкин. Болага олдиндан тайёрлаб қўйилган оқ қоғоз ва қалам берилади.
Кўрсатма: Болага расмдаги предметларни эслаб қолишлари учун 30-50 сония дақиқа вақт берилади. Предметларнинг расмини оқ қоғоз билан ёпиб, уларни эслаб қолган расмини чизиш кераклиги тушунтирилади.

ЖУФТИНИ ТОП” МЕТОДИКАСИ
Мақсад: мактабгача ёшдаги болаларнинг диққат, сезги, идроки ва тафаккур жараёнларини ривожланганлик даражасини аниқлаш ва таҳлил қилиш.
Методика жиҳози: Турли шакллар ва предметлар чизилган жадвал.
Методикани ўтказиш тартиби: Бу методика 5-6 ёшли болалар учун мўлжалланган бўлиб, индивидуал ёки кичик гуруҳларда олиб бориш мумкин.
Кўрсатма: Болага турли шакллар ва предметлар чизилган жадвал берилади. Намунада берилган предмет ва шакллар жуфтини топинг. Топшириқни бажаришга 40-50 сония вақт ажратилади.

“ПРЕДМЕТЛАРНИ ЖОЙИНИ ТОП” МЕТОДИКАСИ.
Мазкур методика 5-6 ёшдаги болаларга мўлжалланган бўлиб, предметларни гуруҳлаштириш, умумлаштириш ва кетма-кетлигини ҳамда диққат ва идрокининг ривожланганлик даражасини аниқлашга ёрдам беради.
Методика материали: турли хил геометрик шакллар тасвирланган расмлар. Методика учун 10 дақиқа вақт ажратилади.
Кўрсатма: Қуйида турли хил предметлар расмлари берилган. Сиз ушбу предметларнинг шаклига қараб ўз ўрнига жойлаштиринг.

“БЕРКИТИЛГАН ШАКЛЛАРНИ ТОП” МЕТОДИКАСИ

Мазкур методика мактабгача ёшдаги болалар диққатининг кўчиши ва идрокини аниқлашда қўллаш мумкин.
Методика материали: турли геометрик шакллар.
Кўрсатма: Қуйида турли хил геометрик шакллар берилган. Ҳар бир шаклнинг нечтадан келтирилганини аниқланг ва сананг.