Farg’ona-2019 umumiy pedagogika o’quv-uslubiy majmua

8. Pedagogika fani oldida turgan vazifalardan biri –
A. Hamkorlik pedagogikasi asoslarini yaratish.
B. Avtoritar pedagogika asoslarini yaratish.
S. Milliy pedagogika asoslarini yaratish.
D. Hamkorlik pedagogikasi va milliy pedagogika asoslarini yaratish.
9. Didaktikaning asosiy kategoriyalari ....
A. Ta’lim berish, tarbiyalash, rivojlantirish.
B. Dars o‘tish, bilim berish, o‘qitish, malaka, ko‘nikma, shakl, metod, vosita, natijalar.
S. Bilim, ko‘nikma, malaka.
D. Rivojlantirish, mustahkamlash, takrorlash.
10. Ta’lim nazariyasining tarkibiy qismlariga nimalar kiradi?
A. Ta’lim jarayonining mohiyati, ta’lim mazmuni, ta’lim tamoyillari, metodlari, shakllari va vositalari.
B. Bilim, ko‘nikma, malaka, iroda, faoliyat turlari.
S. Ta’lim mazmuni, dars janri.
D. Ta’lim tarbiya mazmunini ifodalovchi barcha qonun qoidalar.


9-seminar mashg‘uloti.

Mavzu: O‘quvchilarning bilim ko‘nikma va malakalarini tashxis etish.

REJA:
1.O‘quvchilarning bilim, ko‘nikma va malakalarini baholash metodlari.
2. Bilimlarni og‘zaki so‘rashning asosiy turlari (individual, yoppasiga (frontal) va kombinatsiyalashtirilgan (bir yo‘la bir necha o‘quvchidan so‘rash). O‘quvchilarning o‘quv faoliyatini nazorat qilish va baholashning amaliy ahamiyati.
3. O‘quv faoliyatining o‘quvchilar tomonidan o‘zaro nazorat qilinishi. O‘quvchi tomonidan o‘quv faoliyatining mustaqil nazorat qilinishi.
Maqsad: Baholash metodlari haqidagi bilimlarini chuqurlashtirish.
Mavzu bo‘yicha nazariy ma’lumotlar.
O‘qituvchi nazorati va ta’lim oluvchilar faoliyatini baholashning uyg‘unligi.
O‘zbekiston Respublikasi Oliy va o‘rta maxsus ta’lim vazirligining 2010 yil 25 avgustdagi 333-sonli buyrug‘i bilan tasdiqlangan “Oliy ta’lim muassasalarida talabalar bilimini nazorat qilish va baholashning reyting tizimi to‘g‘rsida”gi nizomda “Talabalar bilimini nazorat qilish va reyting tizimi orqali baholashdan maqsad ta’lim sifatini boshqarish orqali raqobatbardosh kadrlar tayyorlashga erishish, talabalarning fanlarni o‘zlashtirishida bo‘shliqlar hosil bo‘lishini oldini olish, ularni aniqlash va bartaraf etishdan iborat.
Reyting tizimining asosiy vazifalari quyidagilardan iborat:

1. 
   Talabalarda Davlat ta’lim standartlariga muvofiq tegishli bilim, ko‘nikma va malakalar shakllanganligi darajasini nazorat qilish va tahlil qilib borish;
   
2. 
   Talabalar bilim, ko‘nikma va malakalarini baholashning asosiy tamoyillari: Davlat ta’lim standartlariga asoslanganlik, aniqlik, haqqoniylik, ishonchlilik va qulay shaklda baholashni ta’minlash;
   
3. 
   Fanlarning talabalar tomonidan tizimli tarzda va belgilangan muddatlarda o‘zlashtirilishini tashkil etish va tahlil qilish;
   
4. 
   Talabalarda mustaqil ishlash ko‘nikmalarini tahlil rivojlantirish, axborot resurslari manbalarida samarali foydalanishni tashkil etish;
   
5. 
   Talabalar bilimini xolis va adolatli baholash hamda uning natijalarini vaqtida ma’lum qilish;
   
6. 
   Talabalarning fanlar bo‘yicha kompleks hamda uzluksiz tayyorgarligini ta’minlash;
   

Yuqorida keltirilgan hujjatdagi asosiy maqsaddan va qator vazifalardan quyidagi talablar kelib chiqadi.

Ta’limning tarkibiy qismlari o‘zaro bog‘liq va aloqador bo‘lib, u pedagogik jarayon hisoblanadi. Bu jarayonning samaradorligi ko‘p jihatdan tashkil etilgan ta’lim vositalari tizimiga bog‘liqdir. Bu vositalar butun ta’lim tizimining tarkibiy qismi deb qaralgandagina o‘z ahamiyatini yo‘qotmaydi va ta’limning umumiy vazifalarini muvaffaqiyatli hal etishda yordam beradi.
Ma’lumki, ta’lim jarayonining muhim tarkibiy qismlaridan biri–nazorat va hisobga olishdir. Bu tushunchalar o‘ziga xos mohiyat va xususiyatlarga ega. Ta’lim beruvchi nazorat va hisobga olishni to‘g‘ri tashkil etsa, ta’lim jarayonining samaradorligi ortadi. Buning uchun ta’lim beruvchi ta’lim oluvchining o‘quv materiallarini o‘zlashtirish darajasini aniqlab borishi lozim.
Nazorat (ta’lim jarayonida) ta’lim oluvchining bilim, ko‘nikma va malakalari darajasini aniqlash, o‘lchash va baholash jarayonini anglatadi. Aniqlash va o‘lchash esa tekshirish deb ataladi.