Farg’ona-2019 umumiy pedagogika o’quv-uslubiy majmua

6. Ta’limning qanday turlari uchun Davlat talablari (DT) joriy etiladi?
A) Maktabgacha, maktabdan tashqari, oliy o‘quv yurtidan keyingi, malaka oshirish va qayta tayyorlash.
B) Ta’lim turlarining barchasi uchun;
S) Maktabgacha, malaka oshirish va qayta tayyorlash;
D) Faqat malaka oshirish va qayta tayyorlash.
7. Maktabgacha, umumiy o‘rta, uch yillik (akademik – litsey, kasb - hunar), oliy ta’lim tizimining asosiy me’yoriy – huquqiy hujjatiga nimalar kiradi?
A) Davlat ta’lim standartlari;
B) Davlat talablari;
S) O‘quv rejalari;
D) Namunaviy o‘quv reja.
8. O‘quvchining iste’dod va qobiliyatining rivojlanishi nimaga bog‘liq?
A) O‘qitish va tarbiyalash metodlariga bog‘liq;
B) Tarbiyaviy tug‘ma nishonlarga bog‘liq;
S) O‘zlashtirgan bilimlarning miqdori va hajmiga bog‘liq;
D) Faoliyatning turlariga, aloqa va muloqotga, ta’lim – tarbiYaning metodik jihatdan muvofiqligiga.
9. Maktabgacha, umumiy o‘rta, uch yillik (Akademik – litsey, kasb - hunar) ta’lim qanday ta’lim?
A) Byudjet asosidagi;
B) Tanlov asosidagi;
S) Ixtiyoriy;
D) To‘lov asosidagi.
10. Islom Karimovning: “Bizga bitiruvchilar emas, maktab ta’lim va tarbiyasini ko‘rgan shaxslar kerak”, - degan iborasi qayd etilgan asarni aniqlang.
A) Barkamol avlod O‘zbekiston taraqqiyoti poydevori;
B) Barkamol avlod orzusi;
S) Buyuk maqsad yo‘lida og‘ishmaylik;
D) O‘zbekiston kelajagi buyuk davlat.

8-seminar mashg‘uloti.

Mavzu: Dars-ta’limni tashkil etishning asosiy shakli.

REJA:
1. Ta’limni tashkil etishning noa’anaviy shakllari: Afzallik va kamchiligi, turlari.
2.O‘quvchilarning uy vazifalari. Uy vazifalarining mazmuni.
3.O‘quv ishlarini tashkil etishning darsdan tashqari shakllari (fan to‘garaklari, ilmiy jamiyatlar, olimpiadalar, o‘quv kurslari, fan haftaliklari, bellaShuvlar, ko‘riklar, viktorinalar, ko‘rgazmalar va boshqalar).
4.Turli shakllardagi o‘quv mashg‘ulotlarining o‘zaro aloqadorligi.
Maqsad:Ta’limni tashkil etishning noa’nanaviy shakllari haqida tushunchaga ega bo‘lish.
Mavzu bo‘yicha nazariy ma’lumotlar.
O‘qitishning noan’anaviy shakllari doirasida amaliy-tajriba (laboratoriya) mashg‘ulotlari aloxida o‘rin tutadi. Amaliy tajriba mashg‘ulotlari odatda maxsus jixozlangan xonada yoki aloxida ajratilgan tajriba maydonida olib boriladi.
Bunday ta’lim mashg‘ulotlarini tashkil qilish ikki xil yo‘l bilan olib boriladi:
a) amaliy tajriba mashg‘ulotlari;
b) ekskursiyalar.
Umumiy o‘rta ta’lim maktablarining V-IX sinflarida olib boriladigan amaliy-tajriba mashg‘ulotlari asosan maktab ustaxonasi, maxsus jixozlangan xonalar va o‘quv tajriba er maydonida olib boriladi.
Noan’anaviy dars shakllaridan biri xisoblangan ekskursiyalar sinf-dars tizimi, Shuningdek, amaliy mashg‘ulotlardan tubdan farq qiladi. Ushbu farq quyidagilardan iboratdir:
a) o‘qituvchi o‘tkaziladigan barcha ekskursiyalarga raxbarlik qilsa ham, u ekskursiya ob’ektlarining barcha detallarini yaxshi bilmasligi mumkin, bunday xolarda maxsus tayyorgarlikka ega ekskursovod ish olib boradi:
b) ekskursiya muddati turlicha bo‘lib, doimiy o‘quv jadvali talablariga amal qilish talabiga bo‘ysunishi shart hisoblanmaydi.
v) o‘qituvchi yoki ekskursavodning rahbarlik usuli va o‘quvchilarning faoliyati turlicha bo‘lishi mumkin.
Ekskursiya davomida bir o‘rindan ikkinchi o‘ringa ko‘chib yuriladi. Shu bois o‘quvchilardan intizomga qat’iy rioya qilish talab etiladi. O‘quvchilar ob’ektni Kuzatish jarayonida vaqti-vaqti bilan savollar beradilar, zarur ma’lumotlarni yozib boradilar. Ekskursiya yaqinida o‘qituvchi bugungi ko‘zatganlarni avval o‘zlashtirilgan materiallarga bog‘lab suhbat o‘tkazadi. Ekskursiya materiallari asosida bayon yoki insho yozdirish mumkin.
Ta’limning noan’anaviy shakli sifatida tashkil etiladigan bahs-munozara, davra suhbati, matbuot konferensiyasi muayYan predmetning muhim mavzulari yuzasidan tashkil etilib, o‘quvchilarda mustaqil fikrlash, o‘z fikrini ilgari surish, uni asoslash hamda ximoya qilish qobilyatini shakllantirish uchun xizmat qiladi. Bu kabi darslarning tashkil etilishida maqsadning aniqligi, Shuningdek o‘quvchilarning faol ishtiroki muhim ahamiyatga ega.
Viktorina va mo‘jizalar maydoni shaklida o‘tkazilayotgan darslar bellashuv xususiyatiga ega bo‘lib, o‘quvchilarni faollikka undaydi.