Фарғона вилояти Риштон тумани 3-сонли мактабда пандемия шароитида ўқув жараёнларини бошлаш юзасидан 25 август кунлари ота-оналар билан ўтказилган йиғилиш

Фарғона вилояти Риштон тумани 3-сонли мактабда пандемия шароитида ўқув жараёнларини бошлаш юзасидан
25 август кунлари ота-оналар билан ўтказилган йиғилиш
БАЁНИ
25.08.2020 йил Мевазор МФЙ
Йиғилиш раиси: Н.Паттаева
Котибаси: Д.Холмирзаева

Катнашдилар - “Мевазор” МФЙ раиси Н.Отақўзиев, мактаб ММИБДЎ Л.Тоҳирова, М.Қундузов, 35 нафар синф раҳбарлари, 749 нафар ота-оналар.

1. 
   Умумтаълим мактабларида ўқув жараёнларини бошлаш муддати ва шаклини белгилаш бўйича ўтказилган сўровнома натижалари.
   

Эшитилди :
Йиғилишни мактаб директори Н.Паттаева очиб, йиғилиш катнашчиларини кун тартибидаги масала билан таништириб ўтди ва масала юзасидан маъруза қилди. Умумтаълим мактабларида ўқув жараёнларини бошлаш муддати ва шаклини белгилашда, ота-оналарнинг фикри муҳим аҳамият касб этади дея сўровнома натижаларини ўқиб эшиттирди.
3-сонли мактабда таълим олаётган 988 нафар боланинг
749 нафар (76 фоиз) ота-онаси иштирок этди. Улар томонидан қуйидаги фикрлар билдирилди:
1. Мактаблар ўз фаолиятини анъанавий шаклда сентябрь ойидан тиклашига 530 нафар ота-она (71 фоиз) ижобий фикр билдирган бўлса, 219 нафар ота-она (29 фоиз) ўқишни бошламаслик тарафдори эканлигини билдирди.
2. Мактаблар фаолиятини бошлаш санаси бўйича қуйидагича фикр билдирилди:
530 нафар (71 фоиз) ота-она 14 сентябрдан,
59 нафар (8 фоиз) ота-она 2 октябрдан,
160 нафар (21 фоиз) ота-она пандемия тугаганидан сўнг бошлаш зарур эканлигини билдирди.
3. Боласини анъанавий шаклда таълим олиши учун юборишга тайёр ота-оналар 589 нафарни (79 фоиз) ташкил этган бўлса, 160 нафар (21 фоиз) ота-она онлайн таълим тизимини афзал кўришини билдирди.
4. Мактабларда тиббий ниқоб тақиш талаб этилган тақдирда
749 нафар (100 фоиз) ота-она фарзанди ниқоб тақишига рози эканлигини билдирди.
5. Вирусдан сақланишда муҳим антисептик воситасидан фарзанди фойдаланишини 749 нафар (100 фоиз) ота-она қўллаб-қувватлади дея ўз сўзини якунлади.

Юқоридагиларга асосланиб йиғилиш қарор қилади.

1. 
   Юқоридаги масалалар бўйича маърузачиларнинг маърузаси маълумот ва ижро учун қабул қилинсин.
   
2. 
   Ўтказилган ижтимоий сўровнома натижалари тўғрисида умумлашган маълумотларни туман халқ таълими бўлимига топшириш ММИБДЎ М.Қундузов ва Л.Тохировалар зиммасига юклатилсин.
   
3. 
   Ушбу қарор ижро назоратини ўз зиммамда қолдираман.
   

Мактаб директори: Н.Паттаева

“Мевазор” МФЙ раиси: Н.Отақўзиев

Йиғилиш котиби: Д.Холмирзаева