Far pi qoshidagi 3-sonli

FAR PI QOSHIDAGI 3-SONLI
AKADEMIK LITSEYINING
4-12 GURUH TALABASI
OMONOVA KOMILANING
JISMONIY TARBIYA FANIDAN
TAYYORLAGAN

TAYYORLADI: OMONOVA K

QABUL QILDI: KARIMOV O’

FARG’ONA-2013

ИХТИСОСЛАШГАН ФУТБОЛ МАКТАБЛАРИДА ЁШ ФУТБОЛЧИЛАРНИ ТАЙЁРЛАШНИНГ ЎЗИГА ХОС ХУСУСИЯТЛАРИ


1.1. Футболчиларни тайёргарликнинг ташкилий шакллари

Футболчиларни ўргатиш ва такомиллаштиришнинг асосий шакли машғулот ҳисобланади.

Футбол – жамоавий ўйин, шунинг учун ўқув машғулотлари асосан жамоавийдир.
Машғулотга қўйиладиган талаблар:
– машғулотда қўйилган вазифа бажарилиши лозим;
– машғулот интизом ва меҳнатсеварликни тарбиялаши лозим;
– машғулотни шундай режалаштириш керакки, футболчилар ҳаракат кўникмалари ва сифатларини онгли равишда эгалласинлар;
– машғулот ягона ўқув-машғулот жараёнининг бўлими бўлиши керак;
– машғулотнинг мазмуни техник, тактик, жисмоний, руҳий тайёргарликларнинг ўсишига жавоб бериши лозим.
Машғулотнинг тузилиши уч қисмдан иборат: тайёрлов, асосий ва якунловчи.
Машғулот қисмларининг вазифалари:
– тайёрлов қисм – организмни асосий ишга тайёрлаш;
– асосий қисм техник усулларни ўргатиш ва такомил-лаштиришга, тактик ҳаракатларга, жисмоний сифатларни ривожлантиришга, руҳий тайёргарликни ва аҳлоқий-иродавий сифатларни яхшилашга қаратилган бўлиши керак;
– якунловчи қисм организмни машғулотдан олдинги ҳолатига келтириши лозим.
Машғулот жараёнида қуйидаги принципга амал қилиш мақсадга мувофиқдир:
– машғулот юкламасини секин-аста ошириш, барқарорлаштириш;
– бир меъёрга етказиш ва камайтириш.
Бунда организмни маълум бир ҳолатга келтирадиган машқлараро дам олишлар (паузалар) муҳимдир. Бу дам олишлар (паузалар) сони ва давомийлиги юкламаларни дозировкалашга, машқларга ўзгартиришлар киритишга, хато ва камчиликларни тўғрилашга ва кейинги машқни бажариш учун фикрни жамлашга имкон беради.
Машғулотлар ўзининг мақсади, вазифаси ва услубияти бўйича комплекс ва тематик машғулотларга бўлинади.