Faoliyatning ayrim turlarini litsenziyalash to‘G‘risida I. Umumiy qoidalar 1-modda. Ushbu Qonunning maqsadi

19-modda. Litsenziya shartnomasi

Litsenziya shartnomasi litsenziyalovchi organ va litsenziatning o‘zaro huquqlari va majburiyatlarini belgilovchi hujjatdir.

Litsenziya shartnomasi quyidagilarni o‘z ichiga olgan bo‘lishi lozim:

shartnomani imzolagan shaxslarning familiyasi, ismi va otasining ismi, lavozimi;

taraflarning rekvizitlari;

amalga oshirilishi uchun litsenziya berilayotgan faoliyat turining nomi;

litsenziatga qo‘yiladigan litsenziya talablari va shartlari;

Oldingi tahrirga qarang.

cheklangan amal qilish muddatiga beriladigan litsenziyalar uchun — litsenziyaning amal qilish muddati;

(19-modda ikkinchi qismining oltinchi xatboshisi O‘zbekiston Respublikasining 2006-yil 4-apreldagi O‘RQ–28-sonli Qonuni tahririda — O‘zbekiston Respublikasi qonun hujjatlari to‘plami, 2006-y., 14-son, 110-modda)

litsenziya shartnomasining talablari va shartlarini buzganlik uchun taraflarning javobgarligi;

litsenziya shartnomasining talablari va shartlarini litsenziat qanday bajarayotganligining litsenziyalovchi organ tomonidan nazorat qilinishi tartibi;

faoliyatning ayrim turini litsenziyalash to‘g‘risidagi nizomga muvofiq boshqa ma’lumot.

Litsenziya shartnomasi ikki nusxada — litsenziat hamda litsenziyalovchi organ uchun bittadan nusxada tuziladi.