Фаннинг ўқув-услубий мажмуаси Ўзбекистон Республикаси Олий ва ўрта махсус таълим вазирлигининг 017 йил мартдаги 17-сонли буйруғига асосан тайёрланган

Сув ости археологияси – ернинг географик, геологик, иқлимий ўзгаришлар натижасида сув тубида қолиб кетган турар жой қолдиқлари(Қора денгиз, Ўрта ер денгизи) ва сувга ғарқ бўлган кемалар қолдиқларини ўзининг иш услуби орқали тадқид этади. Сув ости археологияси ниҳоятда оғир тадқиқот тури ҳисобланиб, унинг иш услуби сув тубига шунғиган ҳолда қазув ва тозалаш ишларини олиб боради.

Археологияда тадқиқотлар методлар, ашёлари, географик жойлашув ва хронологияси ҳусусиятларига қараб бир неча анъанавий фан тартибларига бўлинади. Булар:

1. 
   Цивилизацион археология – Оссуршунослик (Месопотамия), Классик археология (Юнонистон ва Рим), Этрускшунослик (Этрурия), Мисршунослик (Миср) ва ҳ. к.
   
2. 
   Тарихий археология – Тарихий археология (historical archaeology) – ёзув системасининг пайдо бўлгандан кейинги давр археологияси, Ёзувгача бўлган археология (prehistoric archaeology) – ёзув системаси пайдо бўлгунгача бўлган археология, Прототарихий археология (protohistoric archaeology) – ёзма манбалар чекланган ҳудудар археологияси. Масалан Аляска, Шимолий Калифорния ва ҳ.к. ҳудудлар.
   
3. 
   Хронологияга асосланган археология – Саноат археология – саноат революцияси даври археологияси, Яқин Шарқ археологияси (айрим адабиётларда Ўрта Шарқ археологияси, Библия археологияси деб юритилади) яҳудий ва христиан дини ҳақидаги археология, Ўрта асрлар археологияси – 4 асрдан – 16 асргача бўлган даврларни қамраб олади. Сўнги ўрта асрлар археологияси – 16 асрдан 20 асрларни қамраб олган археология, Замонавий археология – 21 аср археологияси. (Colin Renfrew, Paul Bahn. Archaeology: Theories, Methods and Practice. London. 2004. P. 40-42)
   
4. 
   Бошқа турдаги археология фанлари соҳалари.
   

• 
  Фазовий археология – археологик ёдгорликларни фазодан туриб тадқиқ этиш тури.
  
• 
  Археологик 6уюмшунослиги — археологиянинг ҳар бир археологик даврга оид буюм ва жиҳозларни ўрганадиган соҳаси. Ҳар бир буюмнинг ўзига хос келиб чикиш ва тараққиёт тарихи бор. Ҳозирги кунда ишлатилиб турган буюмлар (пичоқ, козон, пиёла,коса) ибтидоий замонлардан бошлаб неча босқичларни ўтиб, сўнгги ҳолатида бизга етиб келган. Ҳар бир тарихий давр ва босқичнинг буюмлар мажмуаси археология фанида ойдинлашади. Шунинг учун ҳар бир даврнинг буюм ва жиҳозларини ўрганишда Археологик 6уюмшунослигининг аҳамияти катта.
  

•