Fanning o’quv-uslubiy majmuasi dasturi Oliy va o’rta maxsus ta’lim vaziriligining 2016 yil 25. 08 dagi «355» sonli buyrug’ining 2-ilovasi asosida tasdiqlangan namunaviy o’quv dasturiga muvofiq ishlab chiqildi

Расм солиш. Болаларни расм воситасида табиат ҳодисалари тимсолларининг гўзаллигини (ҳаво ранг осмондаги оқбулутларни), кузда истироҳат боғида турли ранглардаги баргларнинг тўкилиши, мавжудотларни тасвирлашга ўргатиш.

Қалам, фломастер, мўйқалам кабиларни тўғри ушлашга, бармоқлар билан қаттиқ сиқмай, қоғоз устида қалам ва мўйқаламни эркин ва бемалол ҳаракатлантириш, мўйқаламга етарли даражада бўёқ олиш, бошқа рангдан фойдаланиш учун мўйқаламни сувли стаканга тиқиб яхшилаб ювиш, бўёқни банкача четига силқитиб ташлашга ўргатишни давом эттириш. Мўйқаламни қоғоз салфетка ёки дока бўлакчаси ёрдамида қуритиш. Бўёқ, доғ, штрих, чизиқ кабиларнинг ритмик ҳаракатланишини сўзлар ва ўйин ҳаракатлари орқали тасвирлаш (“Ёмғир-ёмғир, чак-чак!”, “Дарахт барглари тўкилмоқда - шитир-шитир”).

Уларни турли йўналишлар бўйлаб (узун-қисқа) тўғри чизиқлар чизишга ўргатиш (тасма, йўлакча, девор).

Мураккаб бўлмаган нарсаларни чизишга, оддий чизиқлар, илгаклар нусхаларини кўчиришга ўргатиш. Турли шаклларда доиралар ҳосил қилиб, (айлана, тўғри бурчак) нарсалар ва уларнинг турли шакл ва чизиқларини тасвирлаш (қорбобо, жўжа, вагонча).

Жонивор ва нарсаларни биргаликда тасвирлаш (“Қорбобо ва ўриндиқ") ҳамда мураккаб бўлмаган сюжетлар яратишга ўргатиш (“ўйинчоқлар ўйнашмоқда”).

Нарсаларни тўғри бурчак шаклида ифодалашга ўргатиш (вагонча), тўғри бурчакли ва думалоқ шакллардан ясалган нарсалар тасвирини чизиш (байрам байроқчалари, аравачалар).

Ҳамро буви ўйинчоқлари силуетларини (қўзичоқлар, қушчалар, тулпорлар ва ҳ.к.) тарбия чиқирқиб, тайёрлаб берган миллий безаклар билан безашга ўргатиш .

Уларни расмда рангларнинг ифодавийлигидан тўғри фойдаланишга ўргатиш, ранглар ҳақидаги билимларини мустаҳкамлаш (қизил, кўк, сариқ, оқ, қора), муайян нарса-ҳодисалар (яшил арча, оққор) ни тасвирлаш учун мувофиқ ранг танлашга ўргатиш. Ранг танлашга қийналаётган болаларга ёрдам бериш.

Ҳоҳишига кўра ўйинчоқ ва турли тасвирлар расмини чизиш, жамоа билан ишлашга ўргатиш (капалак учмоқда, боғ ва чиройли гул).