Фанлараро ва фан ичидаги боғлиқлик

Якунлаш. Якунлаш учун канада ёки кедр бальзами ишлатилади. У кесмани беркитибгина қолмай, балки препаратларни ёритишга ҳам ёрдам беради. Предмет шишасига ёпиштирилган кесмаларни ёритувчи моддадан чиқарилиб, унга 1 томчи бальзам томизилади ва ёпқич ойна билан ёпилади. Шундан кейингина у кўриш учун тайёр бўлади.


Тиббий аҳамияти
ТИББИЙ АҲАМИЯТИТи
ИММТўқималар намуналари жарроҳлик амалиётларида ёки оддий тиббий муолажалар давомида биопсия усулида олинади. Жарроҳлик хонасада ёки тиббиёт марказида олинган бўлакча намуналари формалинли идишчаларда фиксация қилиниб, сўнгра патология марказининг тажрибахонасида кейинги босқичлардан ўтказилиб, микроскопик текширувларга тайёрланади. Агарда текширув натижалари даволаниш муолажалари тугамасидан олдин, масалан ўсманинг ҳавфли ёки ҳавфсизлигини билиш зарурияти бўлса, янада тезкор усул қўлланилиши мумкин. Биопсик материал суюқ азотда зудлик билан музлатилади, бунда унинг барча таркибий қисми сақланиб қолади. Шунда сўнг у қаттиқ ҳолатга келиб, кесиш жараёнига тайёр бўлади. Музлатувчи микротом – криостат музлатилган тўқисмаларни кесишда фойдаланилади. Олинган кесмалар тезкор равишда бўялиб, патологоанатом томонидан текширилади. Тўқималарни музлатиш усули сезгир ферментлар ва майда молекулаларни ўрганишга қаратилган гистокимёвий тадқиқотлар ўтказишда жуда қўл келади, чунки музлатиш жараёнида кўпчилик ферментлар ўз фаоллигини йўқотмайди, инактивацияга учрамайди. Тўқималарга ксилол, каби эритувчи моддалар билан ишлов бериш ушбу бирикмаларни ўрганишда, музлатилган кесмалар усулидан фойдаланиш афзалликларга эга(Anthony L. Mescher Junqueira’s Basic Histology Text and atlas Thirteen edition 2013. 1 боб 3 бет)


Электрон микроскоп
Трансмиссион электрон ва растрловчи микроскоп иш фаолияти тўқима компонентлари ва электронлар оқими ўртасида бўлган таъсирга асосланган. Электронлар оқимининг тўлқин узунлиги ёруғликликникидан анча кам бўлгани сабабли тасвирни 1000 марта катталаштирилган ҳолда кўриш имконини беради.