Фанлараро ва фан ичидаги боғлиқлик

Мавзуни асослаш
Гистологик микропрепаратларни тайёрлаш техникасини, ёруғлик ҳамда электрон микроскопларнинг тузилиши ва ишлаш принципини билиш, талабаларни гистология фанининг амалиёт қисмини эгаллаш борасида биринчи ва асосий қадам ҳисобланади, чунки назарий билимларни эгаллаш билан бир қаторда амалий билимлар, яъни микроскопдан тўғри фойдаланиб, препаратларда тўқималар ва ҳужайраларнинг структур хусусиятларини уларнинг ўзига хос бўялишига қараб ажрата олиш, назарий билимларни янада мустаҳкамлашга ёрдам беради.
Фанлараро ва фан ичидаги боғлиқлик
Гистологик микропрепаратни тайёрланиш техникасинии билиш талабаларнинг химия, физика, биология фанларидан олган билимларига асосланади. Ушбу билимлар патологик физиология, патологик анатомия, фармакология,тери касалликлари, онкология, терапия, хирургия, йўналишларида керак бўлади.

Машғулот мазмуни


ЛАБОРАТОРИЯ ИШИНИ ЎТКАЗИШ ҚОИДАЛАРИ ВА ХАВФСИЗЛИК ЧОРАЛАРИ
Хавфсизлик техникаси бўйича инструктаж ўтган талабалар лабораторияда ишлашга қўйилади.
Талаба табиий матодан тикилган оқ халатда ва шахсий сочиғига эга бўлиши лозим.
Ҳар машғулотда тозалик ва тартиб учун маъсул навбатчи талаба тайинланади.
Ҳар бир талабалага иш жойи ажратилади, лабораторияда озиқ-овқатлар сақлаш ёки истеъмол қилиш, кимёвий идишлардан сув ичиш таъқиқланади.
Иш бошлашдан аввал асбоб-ускуниларнинг техник созлиги, текширилади. Носоз асбоблар фақатгина инженер томонидан таъмирланади.
Синган идиш, ёрлиқ ёпиштирилмаган идишлардаги реактивлар билан ишлаш ман этилади.
Тайёрланган эритмаларни устига ёзилган склянкаларга қуйиш лозим.
Электр тармоғига уланган электр асбоблар-ускуналарни қаровсиз қолдириш мумкин эмас.
Кислота, ишқор ва зағарли реактивларни ўлчаш учун цилиндрлар ёки резинали груша ўрнатилган пипеткалардан фойдаланиш лозим. Ўювчи моддалар билан ишлашда ҳимоя кўзойнаклари, резинали қўлқоп ва фартук кийиш лозим.
Кислотали ва асосли реактивларни фақатгина улар нейтраллангандан сўнг раковинага қуйиш мумкин.
Ёнувчи ва учувчи реактивларни иситиш учун сувли ҳаммомлардан фойдаланиш лозим. Уларни очиқ оловда ёки аланга ёнида иситиш ман этилади.
Электр токи бирдан ўчиб қолганда барча электр асбоб-ускуналарни токдан ўчириш лозим.
Енгил алангаланувчи суюқликлар ёнганда ёнғинни карбонат ангидридли ёнғин ўчирувчи ёки қум билан ўчириш лозим.
Микротом пичоғи билан эҳтиёт бўлиб ишлаш керак.
Лаборатория иши тугаганидан сўнг иш жойини тартибга келтириш ва тозалаб, навбатчи талабага топшириш лозим.