Fanidan O’quv – uslubiy majmua

ekskursiya xizmatining
DASTURI
Davomiyligi: 2 soat

Masofasi: Toshkent shahri bo’ylab 10 km
Ekskursiya maqsadi: Toshkent shahridagi mashhur tarixiy-arxitektura
yodgorliklari bilan tanishtirish

Ekskursiya o‘tkazilishi rejalashtirilgan guruh: xorijdan tashrif buyurgan
turistlar
Ekskursiya mavsumi: yil davomida


GIDNING INDIVIDUAL MATNI NAMUNASI


1-ob’ekt. ZANGI OTA MAJMUASI


Kirish peshtoqi. Hurmatli ekskursantlar biz Zangi ota majmuasidamiz. Bu

majmua Toshkent shahridan 8 km uzoqliqda joylashgan bo‘lib, ikkita maqbara,

masjid va minoradan iborat. Majmua XII asr oxiri va XIII asr boshlarida yashagan

Shayx Zangiota qabri atrofida shakllangan bo‘lib, qabr ustiga XIV-XV asrlarda

Amir Temur tomonidan maqbara bunyod etilgan. Xuddi shu davrning o‘zida
shayxning rafiqasi qabri ustiga maqbara bunyod etilgan.

XVIII asr oxiri va XX asr oralig‘ida Zangi ota maqbarasining fasadi oldida

madrasa bunyod etilgan bo‘lib, turli davrlarda bo‘lgan qurilish va ta’mirlash ishlari

o‘tkazilgan vaqtlarda kirish eshiklariga bitilgan. Qabristonga boruvchi peshtoq

eshigida 1832-yil sanasi, g‘arbiy darvozaning eshigida esa 1914-1915-yillar sanasi
hamda toshkentlik ustalar - Mulla ustod Kulbek va usta Nazarxonlar ismi bitilgan.

192

Maqbara oldida. Zangi ota maqbarasi majmuaning asosiy yadrosi bo‘lib,

ziyoratxona va go‘rxonadan iborat. Zangi otaning butun hayoti Movarounnahr

xalqlarining eng og‘ir davriga to‘g‘ri keladi. XIII asrning 20-yillarida mug‘ullar

eng yirik shahar va qishloqlarni vayron qiladilar. Shunday og‘ir va musibatli

paytda Zangi ota hamda uning shogirdlari xalq ommasini qahramonlik,

vatanparvarlik, mehr-shafqat kabi umuminsoniy g‘oyalar bilan oziqlantiradi. Zangi

otaning bu xizmatlari vaqti kelib Amir Temur tomonidan munosib taqdirlanadi.
Zangi otaning qabri ustida maqbara qad rostlatadi, 1420-yilda esa Mirzo Ulugbek
uning ustiga hozirgi maqbara peshtoqini bunyod ettiradi.
Maqbara 1868-yili zilzila oqibatida peshtoq arki va maqbara gumbazi qattiq

shikastlanadi. 1887-1888-yillarda ta’mirlash ishlari olib borilib, go‘rxona va

peshtoqning yuqori qismi qayta ta’mirdan chiqariladi. Ta’mirlangan sana peshtoq
qismida bitilgan.