MUSTAQIL ISHNI BAJARISH UCHUN KO’RSATMA.
Har bir talaba o’ziga berilgan mustaqil ish mavzusi yuzasidan mustaqil ravishda ish olib borishi kerak. Bu holatda talabaga mustaqil ish mavzulari semestr boshida fan o’qituvchisi tomonidan taqsimlab beriladi. Mustaqil ishni qabul qilib olgan talabalar o’ziga tegishli mavzu yuzasidan fan bo’yicha tavsiya etilgan o’quv-adabiyotlaridan foydalanishi, internet resurslaridan ma’lumotlarni yig’ishi va o’zi qo’shimcha fan bo’yicha to’plagan amaliy va nazariy bilimlaridan foydalanib tayyorlashi kerak. Qo’shimcha sifatida talaba qabul qilib olgan mustaqil ish mavzusi yuzasidan adabiyotlardan foydalanish tartibi va ma’lumotlar yig’ish fan o’qituvchisi tomonidan tushunchalar beriladi. Har bir talaba o’ziga berilgan mustaqil ishini fanning oraliq nazoratlar va joriy nazoratlar vaqtlarigacha topshirishi lozim. Tayyorlangan mustaqil ishlar holati (Microsoft word, Microsoft Power point,) dasturlarida va qo’lda yozilishi kerak.
Mustaqil ishni bajarish tartibi va vazifalari
Talabaning mustaqil ishi o‘quv rejasidagi « AutoCAD asoslari » fanini o‘zlashtirish uchun belgilangan o‘quv ishlarini ajralmas qismi bo‘lib, u uslubiy va ahborot resurslari jihatdan taminlanadi hamda bajarilishi reyting tizimi talablari asosida nazorat qilinadi.
O‘quv semestri yakunida talabaning mustaqil ishi bo‘yicha to‘plagan reyting ballari fan bo‘yicha auditoriyadagi o‘quv ishlariga berilgan reyting ballari bilan birgalikda guruhning reyting qaydnomasida, talabaning reyting daftarchasida va o‘qish yakunida bitiruvchiga taqdim etiladigan diplom ilovasida qayd etiladi.
Talabaning mustaqil ishini asosiy maqsadi – o‘qituvchining rahbarligi va nazorati ostida talabada muayyan o‘quv ishlarini mustaqil ravishda bajarish uchun zarur bo‘lgan bilim va ko‘nikmalarni shakllantirish va rivojlantirishdir. Talaba mustaqil ishining vazifalari quyidagilardan iborat:
yangi bilimlarni mustaqil tarzda puxta o‘zlashtirish ko‘nikmalariga ega bo‘lish;
kerakli ma’lumotlarni izlab topish qulay usullari va vositalarini aniqlash;
axborot manbalari va manzillaridan samarali foydalanish;
an’anaviy o‘quv va ilmiy adabiyotlar, me’yoriy xujjatlar bilan ishlash;
elektron o‘quv adabiyotlar va ma’lumotlar banki bilan ishlash;
internet tarmog‘idan maqsadli foydalanish;
berilgan topshiriqning ratsional echimini belgilash;
ma’lumotlar bazasini tahlil etish;
ish natijalarini ekspertizaga tayyorlash va ekspert xulosasi asosida qayta ishlash;
topshiriqlarni bajarishda tizimli va ijodiy yondoshish;
Talaba mustaqil ishini tashkil etishda «O’lchash usullari va vositalari» fanining akademik o‘zlashtirish darajasi va qobiliyatini hisobga olgan holda quyidagi shakllardan foydalaniladi:
ayrim nazariy mavzularni o‘quv va ilmiy adabiyotlari yordamida mustaqil o‘zlashtirish;
berilgan mavzu bo‘yicha axborot (referat) tayyorlash;
seminar va amaliy mashg‘ulotlarga tayyorgarlik ko‘rish;
laboratoriya ishlarini bajarishga tayyorgarlik ko‘rish;
hisob-grafik ishlarini bajarish;
nazariy bilimlarni amaliyotda qo‘llash va amaliyotdagi mavjud muammolarning echimini topish (keys-stadi);
maket, model, va namunalar yaratish;
ilmiy maqola, anjumanga ma’ruza tezislarini tayyorlash.
« AutoCAD asoslari » fanining xususiyatlaridan kelib chiqqan holda, talaba mustaqil ishini tashkil etishda boshqa shakllardan ham foydalanilishi mumkin.
« AutoCAD asoslari » fani bo‘yicha mustaqil ish topshiriqlari kafedra professori (yoki yetakchi dotsenti) tomonidan o‘quv mashg‘ulotlarini bevosita olib boruvchi o‘qituvchi bilan birgalikda tuzilgan hamda kafedra mudiri tomonidan tasdiqlangan. Talabaga berilgan topshiriqda mustaqil ishni bajarish bo‘yicha dastlabki ko‘rsatma va tavsiyalar qayd etilgan.
Mustaqil ishni bajarish uchun talabaga ahborot manbaasi sifatida darslik va o‘quv qo‘llanmalar, metodik qo‘llanma va ko‘rsatmalar, ma’lumotlar to‘plami va banki, ilmiy va ommaviy davriy nashrlar, Internet tarmog‘idagi tegishli ma’lumotlar, berilgan mavzu bo‘yicha avval bajarilgan ishlar banki va boshqalar xizmat qiladi.
Mustaqil ish fan uchun ishchi dasturida ajratilgan soatlarga mos reyting ballari bilan bohalanadi va natijasi fan bo‘yicha talabaning umumiy reytingiga kiritiladi. Talabaning reyting ko‘rsatkichlari, shu jumladan mustaqil ishi bo‘yicha, ana’naviy guruh reyting oynasida va fakultetning maxsus elektron tarmog‘ida yoritib boriladi. Mustaqil ishni nazorat qilish turlari va uni baholash me’zonlari tegishli kafedra tomonidan belgilanadi va fakultet Ilmiy kengashida tasdiqlanadi. Mustaqil ishlarni baholash me’zonlari talabalarga o‘quv yili boshlanishi oldidan metodik materiallar bilan birgalikda tarqatiladi.
“AutoCAD asoslari” fani bo‘yicha talabalarning mustaqil ishlari bo‘yicha o‘zlashtirishi muntazam ravishda talabalar guruhlarida, kafedra yig‘ilishlari va fakultet ilmiy kengashlarida muhokama etib boriladi. Talabaning mustaqil ishi kafedra arxivida ro‘yxatga olinadi va o‘quv yili mobaynida saqlanadi.
Do'stlaringiz bilan baham: |