Фанидан маърузалар тўплами

Парадоксал сийдик тутолмаслик
Сийдикнинг тўлиқ тутилиб қолиши сабабли юз берган сийдик тутолмаслик - парадоксал ишурия, обструктив ёки нейроген этиологиялар туфайли детрузор ёки уни сфинктери етишмовчилиги туфайли юзага келади.
Парадоксал ишурия доимий равишда 200-300 мл. дан ортиқ сийдикнинг йиғилиши натижасида қовуқнинг хажми кенгайиб боради. Инфравезикал обструкцияларда ёки детрузорнинг мушакларини кучи сусайиб қолганда пешоб қовуғи тўлиқ бўшалмайди ва маълум миқдори қолиб кетади. Буни қолдиқ пешоб дейилади. Асосий хасталикнинг прогрессив ривожланиши қолдиқ сийдикнинг миқдорини кўпайиб боришига ва бир неча литргача етишига олиб келади.
Биз ўз фаолиятимизда қолдиқ сийдик 6-8 литргача етган беморларни ҳам учратганмиз. Сийдик пуфагининг ҳаддан зиёд тўлиб кетиши натижасида унинг баъзан детрузор мушаклари хаддан ташқари чузилиб кетади ва уларнинг кискариш хусусияти тўлиқ йўқолиб кетади. Сийдик пуфагига буйракдан ажралиб чиқаётган сийдик тинимсиз оқиб туриши натижасида қаддан ташқари тўлиб кетган қовуқ ёрилиб кетиш мумкин ёки унинг сфинктери ихтиёрсиз равишда очилиши, фалажланиши юзага келади. Детрузорнинг қисқариш қобилиятининг йўқолиши ва сфинктернинг фалажланиши сабабали тўлган қовуқдан сийдик доимо уретрадан томчилаб оқиб туради, яъни, сийдик тутолмаслик кузатилиб, бу холат парадоксал ишурия дейилади.
Сийдик ушлаб туролмаслик
Сийдик ушлаб туролмаслик деб қовуқнинг яллиғланиш туфайли пешоб қовуғини бўшатишга (сийишга) эхтиёж туғилган пайтда бемор керакли жойга (хожатхонага) бормай, сийдигини чиқариб юбориш тушунилади.
Баъзи муаллифлар сийиш эхтиёжининг пайдо бўлганда бемор хохишига карамасдан сийдикни уретрадан ташқарига чиқиб кетиши сийдик ушлаб туролмаслик мажбурий сийдик тутолмаслик деб изохланади. Дизуриянинг бу тури сийдик тутолмасликнинг бошқа турларидан ўлароқ, даволашда ўзгача усул талаб қилади.
Сийдик тутолмаслик ва сийдик ушлаб туролмаслик анъанавий текширишлар ёрдамида олиб борилади ва бунда беморнинг шикоятлари, хасталик анамнези ва пастки сийдик чиқариш йўллари хамда аёллар жинсий аъзоларини физикал текширишга алохида ахамият берилади.