Fanida n tuzuvchi: o’qt. B. Qurbonov

SO`Z BOSHI

Bugun biz mustaqillik mohiyatini, uning jamiyat taraqqiyotida tutgan o’rni hamda xalq turmushidagi beqiyos ahamiyatini ulug’ bobokalonlarimiz tomonidan yozib qoldirilgan tarixiy asarlarning mazmun- mohiyatini teran anglab eta olishimizda namoyon bo’ladi. Yurtimizdagi tarixiy davrlarning bevosita ko’zgusi sifatida tarixiy yozma asarlarni olishimiz mumkin. Buning zamirida shu makonda qadimdan rivojlanib, shakllanib kelgan tarixiy-madaniy an`analar asosida qaror topgan davlatlarning ijtimoiy-iqtisodiy holati va taraqqiyoti haqida batafsil, ammo uzuq-yuluq, bir-birini inkor etuvchi va to’ldiruvchi asarlar yuzaga kelgan. U bir necha ming yillik tarixiy tajriba, buyuk an`ana, tom ma`noda shakllangan madaniy-ma`naviy jarayon mahsulidir.

I. Fanning maqsadi va uning mutaxassis tayyorlashdagi o’rni.


I.1. Fanning o’qitishdan maqsad:
O’zbekiston davlat mustaqilligini qo’lga kiritgach, vatanimiz tarixini yana ham chuqurroq o’rganish imkoniyati vujudga keldi. Agar sobiq sho’rolar hukmronligi davrida o’zbek xalqi orasidan etishib chiqqan Amir Temur, Ulug’bek, Bobur singari davlat arboblarining muqaddas nomlari deyarli tilga olinmagan bo’lsa, endilikda ular to’g’risida bor haqiqatni baralla aytilmoqda. Amir Temur davri vatanimiz tarixining "oltin davri" hisoblanadi.
O’zbekiston hududida yashovchi barcha fuqarolar vatanimiz tarixining tarixshunoslik sohasidagi bilimlarni bilishi shart, chunki bu tarixiy asarlar o’zbek davlatchiligi tarixida muhim ahamiyatga egadir. Bu davrni o’rganish vatanimiz tarixini chuqurroq va mukammalroq o’rganish imkonini beradi.
I.2. Fanning o’rganadigan muammolari:
-tarixshunoslik fanining maqsad va vazifalari;
-O’rta Osiyo xalqlarining qadimgi davri tarixshunosligi muammolari;
-O’rta asrlardagi O’rta Osiyoda tarixiy bilimlarni rivojlanishi;
-XVI-XIX asr birinchi yarmi O’rta Osiyo xalqlari tarixi tarixshunosligi;
-Mustaqillik davrida O’zbekiston xalqlari tarixi tarixshunosligi;

2.